U biełaruskaj hłybincy znajšli stałoŭku z cenami, jakich nibyta i nie byvaje
Kali vy ličycie, što niadoraha i smačna paabiedać užo niemahčyma, značyć, vam nie davodziłasia byvać u stałovaj pradpryjemstva «Čyrvony Mazyranin» u Naroŭli, piša «Anłajnier».
06.08.2024 / 21:37
Fota: «Anłajnier»
Miascovaje mieniu dvuchtydniovaj daŭniny ŭklučaje chałodnyja zakuski, supy, asnoŭnyja stravy, harniry, napoi i navat pakupnyja desierty. A ceny sapraŭdy pryjemna ŭražvajuć.
Naprykład, sałata «Navinka» kaštuje 1,83 rubla. Za takija hrošy i doma nie narežaš ahurki z pamidorami. A sałata sa śviežych pamidoraŭ z alejem — za 0,89 rubla.
Supy taksama nie rasčarujuć. Boršč za 0,77 rubla za 250 hramaŭ abo vialikaja porcyja kapusty za 1,97 rubla. U stalicy na hetyja hrošy naŭrad ci ŭpakoŭku bulonnych kubikaŭ kupiš.
Što da asnoŭnych straŭ, to bifšteks «Smak» pryhatujuć za 3,31 rubla, a stejk z ptuški «Amatarski» za 4,65 rubla. Tušanaja bulba z harodninaj pa 1,72 rubla za 200 hramaŭ — vydatny dadatak da luboj stravy.
Da hetaha ŭsiaho možna ŭziać limonny napoj za 0,32 rubla.
«Adrazu adkazvaju na pytańnie, ci chapaje ŭsim straŭ. Asnoŭnaja płyń naviedvalnikaŭ z 11-j da 13-j — na hetym etapie pradukcyi chapaje na 70-80%. Dalej z 13-j da 14-j płyń ludziej mocna padaje, a paśla 14-j prychodziać i ŭvohule 1-2 čałavieki. Viadoma, u kancy dnia asartymient straŭ na 50% adsutničaje.
Jość u asartymiencie i viandlina, jakuju my kopcim sami. U stałovuju kupili novuju nizkatempieraturnaja pieč tamleńnia z funkcyjaj vendžańnia. Pastajanna pašyrajem asartymient.
Usich naviedvalnikaŭ u dzień prachodzić 110-120 čałaviek. Byvajuć piki 140 i navat 170. Heta byvaje redka, tady kładziomsia na razdaču sami. Ale nikoha nie adpraŭlajem hałodnymi. Usich nakormim», — raskazaŭ šef-kuchar pradpryjemstva.
Absłuhoŭvańnie tut jak i va ŭsich stałoŭkach: padychodzicie da stojki, vybirajecie stravy, raspłačvajeciesia. Interjer prosty, mnostva voknaŭ napaŭniaje pamiaškańnie śviatłom.
Jak možna charčavacca ceły dzień, kali ŭ kišeni 4 rubli? U tyktoku prapanavali racyjon
U minskaj kramie znajšli makaronu za 50 rubloŭ
Irłandziec teściruje biełaruskija stałoŭki. Voś jakoj ź ich prapanoŭvaje dać mišlenaŭskuju zorku
«Układajusia ŭ 2,5 rubla». Kolki hrošaj biełarusy addajuć na abiedy ŭ stałoŭkach i kaviarniach