Kamała Charys vyznačyłasia sa svajoj kandydaturaj na vice-prezidenta ZŠA
U pary z Kamałaj Charys na prezidenckich vybarach u ZŠA budzie vystupać hubiernatar Miniesoty Cim Uołc.
06.08.2024 / 16:18
Cim Uołc. Fota: Stephen Maturen/Getty Images
Samu Kamału Charys aficyjna vyłučyli ŭ jakaści kandydata ŭ prezidenty ad Demakratyčnaj partyi, paviedamlaje The New York Times.
60-hadovy Cim Uołc — były aficer Nachvardyi ZŠA i były nastaŭnik, jaki ŭ apošnija tydni adznačyŭsia aktyŭnaj abaronaj Charys. Taksama jon vystupaŭ z mocnaj krytykaj Donalda Trampa i jahonaha kandydata ŭ vice-prezidenty Džeja Vensa.
Uołc maje reputacyju centrysta. Jon luteranin, u jaho dvoje dziaciej. Miniesota tradycyjna hałasuje za demakrataŭ, tamu vybar Uołca źviazany ź jaho jakaściami i pazicyjaj, a nie z žadańniem atrymać pieravahu ŭ adnym sa swing states.
Uołc zajmaŭ vyrazna praŭkrainskuju pazicyju, a Miniesota — štat sa šmatlikaj ukrainskaj dyjasparaj. Viadoma, što letaś Cim Uołc sustrakaŭsia z prezidentam Ukrainy Uładzimiram Zialenskim, vykazvaŭ padtrymku Ukrainie i hatoŭnaść dapamahać ukrainskim uciekačam.
Tramp znajšoŭ vinavataha ŭ biržavym abvale — im stała vice-prezident Kamała Charys
Tramp zachacieŭ pieranieści debaty z Charys na respublikanski telekanał. Taja suprać
Kamała Charys ŭžo nabrała dastatkova hałasoŭ, kab stać kandydatkaj u prezidenty ZŠA
Biełarus pryjšoŭ na kanfierencyju Novaj Biełarusi ź jarkim manikiuram u padtrymku Kamały Charys FOTY