APK uznaharodziŭ Miedalom Niaskoranych 13 čałaviek
Abjadnany Pierachodny Kabiniet uznaharodziŭ Miedalom Niaskoranych (Łarysy Hienijuš) 13 asob za značnyja zasłuhi pierad biełaruskim narodam u baraćbie za pravy čałavieka i demakratyčnyja svabody, paviedamlaje pres-słužba APK.
04.08.2024 / 14:34
Pra heta było abvieščana padčas treciaj kanfierencyi «Novaja Biełaruś» u Vilni. Adpaviednuju pastanovu 3 žniŭnia padpisała kiraŭnica Kabinieta Śviatłana Cichanoŭskaja.
Miedal Niaskoranych (Łarysy Hienijuš) prysudžany:
Leanidu Sudalenku, pravaabaroncu, hramadskamu aktyvistu;
Alaksandru Kabanavu, błohieru, hramadskamu aktyvistu;
Siarhieju Piatruchinu, błohieru, hramadskamu aktyvistu;
Alesi Bunievič, hramadskaj aktyvistcy;
Natalli Chierše, hramadska-palityčnaj aktyvistcy;
Valeryi Čarnamorcavaj, hramadskaj dziajačcy, daśledčycy, ekskursavodcy;
Ałanie Hiebremaryjam, aktyvistcy «Moładzievaha Błoku»;
Źmitru Furmanavu, siabru inicyjatyŭnaj hrupy pa vyłučeńni ŭ prezidenty Śviatłany Cichanoŭskaj.
Imiony jašče 5 uznaharodžanych nie nazyvajucca z pryčyn biaśpieki.
Ukrainskaha pasła spytali pra pałonnych kalinoŭcaŭ
Zapuskajuć Mižnarodny fond humanitarnaj dapamohi. Navošta jon patrebny
Dobraachvotnik ahučyŭ, kolki biełarusaŭ vajuje za Ukrainu