Dla kampanii, jakaja robić reaktary dla brytanskich atamnych padvodnych łodak, karparatyŭnuju sietku zrabili biełarusy i rasijanie
Niekalki hadoŭ tamu kansałtynhavaja kampanija WM Reply raspracavała abnaŭleńnie dla karparatyŭnaj sietki brytanskaj kampanii Rolls-Royce Submarines. Jak paźniej daviedalisia brytanskija śpiecsłužby, u stvareńni prahramy ŭdzielničali raspracoŭščyki ź Biełarusi i Rasii, paviedamiła hazieta The Telegraph.
03.08.2024 / 19:19
Fota: Getty Image
Rolls-Royce Submarines vyrablaje reaktary dla atamnych padvodnych łodak karaleŭskich VMS. Kab aščadzić srodki na prajekt, kansałtynhavaja firma WM Reply pryciahnuła dla vykanańnia zadačy raspracoŭščykaŭ ź Minska i Tomska. Pry hetym kantrakt ź firmaj Rolls-Royce Submarines byŭ zaklučany na paŭmiljona funtaŭ sterlinhaŭ.
Praź niejki čas vyśvietliłasia, što sistema ŭklučała asabistyja źviestki supracoŭnikaŭ Rolls-Royce Submarines i brytanskich padvodnikaŭ.
Kiraŭnictva WM Reply paviedamiła zakazčyku viasnoj 2021 hoda, što ŭ raspracoŭcy abnaŭleńnia ŭdzielničali biełaruskija i rasijskija prahramisty. Uletku 2022-ha pra incydent paviedamili ŭ Minabarony Vialikabrytanii, dzie pryjšli da vysnovy, što zdareńnie pahražaje nacyjanalnaj biaśpiecy krainy.
Zrešty, rasśledavańnie pakazała, što incydent nijak nie paŭpłyvaŭ na biaśpieku Vialikabrytanii.
Rolls Royce Submarines zajaviła, što karparatyŭnuju sietku vykarystoŭvali tolki dla adpraŭki kamiercyjnych paviedamleńniaŭ, a dostupu da sakretnych źviestak ni ŭ kaho nie było. Taksama jany padkreślili, što staranna praviarajuć IT-biaśpieku luboha kadavańnia pierad tym, jak jaho ŭkaranić.
Ciapier Rolls-Royce Submarines spyniła supracoŭnictva z WM Reply.
U parłamiencie Małdovy prachodziać pieratrusy. Padobna, što znoŭ špijanaž
Rasijskaha apazicyjaniera zatrymali ŭ Varšavie za špijanaž