«Некалькі месяцаў не магу абняць дзіця». Маладая маці просіць Лукашэнку вярнуць маленькага сына, якога забраў бацька

Сёлета ў маі мужчына забраў 6-гадовага сына Дзяніса ў былой жонкі на выходныя — але дагэтуль не вярнуў дзіця маці. Вікторыя Тампей кажа, што з таго моманту не бачыла хлопчыка. Ні чыноўнікі, ні міліцыя не дапамагаюць ёй вярнуць сына. Яна вырашыла запісаць зварот да Лукашэнкі.

01.08.2024 / 13:31

Вікторыя Тампей. Скрыншот відэа ў тыктоку

Маладая маці выклала відэа з просьбай аб дапамозе ў сваім тыктоку.

— У маі мой былы муж Ігар Варапай забраў дзіця, каб правесці з ім выходныя і дагэтуль яго не вярнуў. Я не ведаю, дзе мой сын і з кім ён, у які дзіцячы садок ён ходзіць і ці ходзіць увогуле.

Вікторыя кажа, што суд Цэнтральнага раёна Мінска 20 чэрвеня выдаў рашэнне аб неадкладным выкананні ранейшай пастановы суда, згодна з якой месца пражывання сына вызначана з маці.

— Гэта ігнаруецца. Судовая выканаўца бяздзейнічае, спасылаючыся на тое, што яна не разумее, як выканаць рашэнне суда. 

Вікторыя кажа, што неаднойчы спрабавала вярнуць сябе дзіця.

— Я некалькі разоў выклікала супрацоўнікаў міліцыі, але яны не дапамаглі мне, спасылаючыся на тое, што гэта грамадзянска-прававыя адносіны. Я хаджу па замкнёным коле і мару толькі аб тым, каб хутчэй абняць свайго сына.

@vikatampei Все юридические документы у меня имеются в полном объеме, бывший муж нарушает 2 действующих решения суда, но по прежднему не привлечен ни к одному виду ответственности!! Он просто игнорирует закон! Скрывает место положение ребенка и не дает мне с ним видеться! «Благодарю» за помощь и содействие в решении даной проблемы: начальника управления администрации центрального района г Минска Камейшу Инну Борисовну - которая выставила меня за дверь со словами Я прекращаю с вами переписку! директора СПЦ центрального района г Минска Филимонову Анну Анатольевну которая не вышла по данному адресу с педагогом-психологом для оценки состояния несовершеннолетнего т.к он находиться под влиянием своего отца, и у меня имеются факты это поддверждающие. Начальник Центрального РУВД г.Минска подполковника милиции Семенцова Виталия Николаевича-который не отправил сотрудника по адрусу заявленному по линии 102 от 20.06.2024 г, для помощи в передаче мне ребенка. ИДН ценрального района г Минска, и г Бобруйска - который лишь присылают мне ответы о том, что со стороны отца НЕТ противоправных действий Судебный исполнительный центрального района г Минска Судиловская Александра Васильевна которая по не понятным присинам тянет исполнение решения суда! . #максимальный #максимальныйрепост #репост #крик #помощи ♬ оригинальный звук - Vika Tampey

Вікторыя просіць вярнуць ёй сына, пакараць тых, хто вінаваты ў іх расстанні, а таксама разабрацца ў бяздзейнасці людзей, якія тэарэтычна павінны былі дапамагаць у такой сітуацыі.

Жанчына пералічвае, у якія інстанцыі звярталася, каб хлопчыка нарэшце знайшлі. Але сцвярджае, што ўсюды атрымала толькі фармальныя адпіскі. Міліцыя нават не заўсёды выязджала пасля яе званка на лінію 102, каб прыехаць і дапамагчы забраць дзіця.

За суткі відэа набрала каля 300 тысяч праглядаў і больш за 10 тысяч лайкаў.

У Баранавічах кіроўца запісаў зварот да Лукашэнкі ў разбітай машыне і просіць Колю паказаць ролік бацьку. Што здарылася?

«Ён ніколі не піў». Шматдзетная маці праз тыкток просіць Лукашэнку разабрацца з крымінальнай справай яе мужа

«Малышка паспела толькі расплюшчыць вочкі». У Мінску немаўля памерла ад асфіксіі — медыкі не сталі рабіць кесаравага

Nashaniva.com