Здарэнні88

У Баранавічах кіроўца запісаў зварот да Лукашэнкі ў разбітай машыне і просіць Колю паказаць ролік бацьку. Што здарылася?

У тыктоку завірусілася відэа, у якім кіроўца з Баранавічаў сядзіць літаральна ў грудзе металалому. Ён просіць Колю Лукашэнку паказаць ролік тату, каб той разабраўся ў ДТЗ.

Скрыншот відэа ў тыктоку

Мужчына пад нікам archiegor спецыяльна завёў акаўнт у тыктоку, каб распавесці сваю версію жудаснай аварыі. Адбылося ДТЗ летась 29 мая на 183-м кіламетры рэспубліканскай трасы М1.

— Фура выехала на сустрэчную паласу і пратараніла мой аўтамабіль. На вінаватага ў ДТЗ была заведзеная крымінальная справа з прычыны прычынення мне цяжкіх цялесных пашкоджанняў.

У іншым роліку аўтар дадае, што ў яго ўрэзаўся грузавік фірмы «Белсувязьпрам» з паўпрычэпам, гружаным бетоннымі кольцамі. Блогер атрымаў множныя пераломы і разрывы ўнутраных органаў. Ён сцвярджае, што стаў інвалідам і вымушаны працягваць лячэнне і зараз.

@archiegor #президент #лукашенко #справедливость #республика #беларусь #прокуратура ♬ Free Your Mind - TURBINES DRIVE

Па словах пацярпелага, кіроўца грузавіка заявіў, што нічога не памятае, бо раптоўна страціў прытомнасць. Але блогер даводзіць, што судмедэкспертыза абвергла гэтую версію.

— Гэта здаровы чалавек, які быў дапушчаны да кіравання транспартным сродкам. Факт страты прытомнасці не вызначаны. Аднак кіроўца працягваў стаяць на сваім і казаў, што заснуць за рулём ён не мог, бо цудоўна сябе адчуваў.

Блогер кажа, што следства палічыла довады вінаватага ў ДТЗ больш важкімі, чым заключэнне судмедэкспертызы, і вырашыла спыніць крымінальную справу праз адсутнасць складу злачынства. Адбылося гэта ў той момант, калі ён яшчэ знаходзіўся ў бальніцы.

 — Калі мяне больш-менш сабралі па частках, калі я змог перасоўвацца і цяміць нармальна, я пачаў адначасова змагацца і за жыццё, і за справядлівасць. Пачаў вывучаць матэрыялы крымінальнай справы, шукаць адваката, пісаць шматлікія скаргі.

Мужчына ўпэўнены, што ў яго справе існуюць нестыкоўкі.

— Грузавік фірмы «Белсувязьпрам» выпусцілі на лінію з няспраўнасцю тармазной сістэмы, з кіроўцам не праводзіліся ніякія інструктажы — ні ўступны, ні перадрэйсавы, ні інструктаж аб перамяшчэнні грузаў па дарогах агульнага карыстання. Нягледзячы на ​​гэта, аўтамабіль выехаў на рэспубліканскую трасу. У кіроўцы была пратэрмінаваная медыцынская даведка — таксама гэта ніхто не правяраў.

На адну з такіх скарг адрэагаваў Брэсцкі следчы камітэт, які адмяніў пастановы і даслаў крымінальную справу назад у Баранавічы для правядзення дадатковага следства, якое доўжылася каля пяці месяцаў. У выніку крымінальную справу зноў спынілі праз адсутнасць складу злачынства.

Сваю гісторыю блогер называе прэцэдэнтам рэспубліканскага маштабу. Ён лічыць, што ў гэтай сітуацыі неабходнае ўмяшальніцтва Лукашэнкі.

У канцы роліка блогер звяртаецца да Колі Лукашэнкі, якога просіць паказаць відэа бацьку.

— Я памятаю адно інтэрв’ю па тэлевізары, дзе Аляксандр Рыгоравіч казаў, што менавіта сын Мікалай паказвае яму відэа з інтэрнэту часам, якія заслугоўваюць увагі.

За тыдзень ролік набраў 880 тысяч праглядаў і каля 15,5 тысяч лайкаў.

Каментары8

  • Холоп
    11.06.2024
    Что за мода чуть что бежать кланяться в ножки царю-батюшке?
  • Какой позор
    11.06.2024
    Нет, это даже не позор, это просто открытая деградация, если в стране не работают суды и следственные органы, если до сих пор не определён порядок компенсаций, в случае дтп...
    Но ещё больший позор тому, кто обращается к кровопийце нашего народа, который устроил в стране колхозные порядки...
  • Адказік
    11.06.2024
    Холоп, таму што гэта русскій мір, што вы 30 гадоў насіралі і цяпер працягваеце: цар нічога ня ведае, бо баяры не даносяць праўды  

Ярмошына расказала, каго дапусцяць да ўдзелу ў выбарах-20258

Ярмошына расказала, каго дапусцяць да ўдзелу ў выбарах-2025

Усе навіны →
Усе навіны

Лукашэнка заявіў пра «ліквідацыю напружанасці на мяжы з Украінай» і выступіў з прымірэнчымі заявамі: «Трэба дамаўляцца»28

Ураган змёў кемпінг на Віліі, паведамляюць пра загінулага3

У Мінску шторм вырываў дрэвы і руйнаваў рэкламныя шчыты ФОТЫ і ВІДЭА15

Па Беларусі коціцца непагадзь, моцныя вятры і залевы ФОТЫ і ВІДЭА2

У мінчука скралі рэчы, пакуль ён купаўся ў Цнянскім вадасховішчы

«Каханне ўсяго майго жыцця». Арына Сабаленка пацвердзіла свае адносіны з бразільскім бізнэсменам16

«Бунт» з-за раёна, чаўнакі на паўзе і лёс старога парку. Чым жыве самы заходні горад Беларусі?

Аўстрыйскі палітолаг спрагназаваў, што пачатку вайны Расіі з НАТА можа папярэднічаць паўстанне палякаў у Беларусі. А чаму не бунт рэптылоідаў?10

«Мае аксэсуары прыносяць поспех, упэўненасць у сабе і грошы». Спявачка Галіна Шышкова стала дызайнеркай5

больш чытаных навін
больш лайканых навін

Ярмошына расказала, каго дапусцяць да ўдзелу ў выбарах-20258

Ярмошына расказала, каго дапусцяць да ўдзелу ў выбарах-2025

Галоўнае
Усе навіны →