U žančyn, jakija jeździli pa Mahilovie z nadpisam «Miłficyja», kanfiskavali matacykły
«Supracoŭniki DAI imhnienna vyznačyli žančyn».
01.08.2024 / 09:19
Jak paviedamiŭ kanał siłavikoŭ, paśla taho, jak videa z bajkieršami razyšłosia ŭ sietcy, «supracoŭniki DAI imhnienna vyznačyli» asoby matacyklistak. Imi akazalisia 39 i 41-hadovaja žycharki Mahilova.
«U adnosinach da ich składzieny ažno čatyry administratyŭki, a dvuchkołniki kanfiskavanyja», — dadaŭ telehram-kanał.
Śćviardžajecca, što žančyny nie raz traplali ŭ pole zroku milicyi, adna ź ich bolš za 60 razoŭ parušyła praviły darožnaha ruchu, u tym liku i pazbaviłasia pravoŭ kiroŭcy.
Žančyn siłaviki prymusili skazać na videa, što jany pavažajuć milicyju.
Videa z «miłficyjaj» nabrała ŭ tyktoku amal miljon prahladaŭ i bolš za 20 tysiač łajkaŭ. Šmat chto pisaŭ, što paśla takoha choča pierajechać žyć u Mahiloŭ.
Miłfa — heta abrevijatura, jakaja pachodzić ad anhlijskaha vyrazu «Mother I'd like to f**k» (u pierakładzie — «mamaša, jakuju ja b t***nuŭ»). Tak časta nazyvajuć seksualnych žančyn va ŭzroście prykładna ad 35 da 45 hadoŭ. A «miłficyja» atrymałasia dziakujučy złučeńniu słovaŭ «miłfa» i «milicyja».
Na vulicach Mahilova možna pabačyć «miłficyju» na matacykłach VIDEA