U sacyjalnych sietkach zavirusiłasia videa z Mahilova: pa horadzie na matacykłach licha raśsiakajuć dziaŭčaty ŭ majkach z nadpisami «Miłficyja». Vykłała jaho ŭ sacyjalnyja sietki adna z motałedzi.
Miłfa — heta abrevijatura, jakaja pachodzić ad anhlijskaha vyrazu «Mother I'd like to f**k» (u pierakładzie — «mamaša, jakuju ja b t***nuŭ»). Tak časta nazyvajuć seksualnych žančyn va ŭzroście prykładna ad 35 da 45 hadoŭ. A «miłficyja» atrymałasia dziakujučy złučeńniu słovaŭ «miłfa» i «milicyja».
Videa z «miłficyjaj» nabrała ŭ tyktoku kala 890 tysiač prahladaŭ i bolš za 20 tysiač łajkaŭ. Šmat chto pisaŭ, što paśla takoha choča pierajechać žyć u Mahiloŭ.
Anastasii — błohiercy i motałedzi — 39 hadoŭ, jana žyvie ŭ Mahilovie. Maje ŭłasny biznes: žančyna adkryła ŭ horadzie sałon pryhažości i studyju tancaŭ, dzie siarod asnoŭnych napramkaŭ — pole dance.
Svoj bajk błohierka łaskava nazyvaje strakaza. Vobraz Anastasii niaredka byvaje pravakacyjnym i nie vielmi biaśpiečnym — za heta jana atrymlivaje šmat zaŭvah u kamientaryjach. Ale žančynu heta nie vielmi turbuje:
— Tak, ja jezdžu na abcasach, i mnie zručna. Nie apranaju ŭ horadzie ekipiroŭku, tak mnie taksama zručna. Zrazumiejcie, heta moj vybar i nie treba mnie naviazvać svajo mierkavańnie. U mianie jość vybar. My žyviom u svabodnaj krainie.
Kali mierkavać pa inšych videa, to na vulicach ludzi nastrojeny bolš pazityŭna, čym u sacyjalnych sietkach. Pabačyŭšy efiektnuju dziaŭčynu na matacykle, ludzi, jakija jeduć u aŭtobusie, pačynajuć uśmichacca, machać rukami i pakazvać «kłas».
Anastasii takaja ŭvaha padabajecca, jana achvotna fatahrafujecca na roznych mierapryjemstvach z usimi žadajučymi. Błohierka iranizuje z taho, što jaje davoli eratyčnyja ŭbory pryvablivajuć inšych kiroŭcaŭ:
— Mašyny zaŭsiody nas prapuskajuć, kab my stajali pierad imi na śviatłafory. Cikava, čamu? — pažartavała Anastasija ŭ adnym ź videa.
Letaś Anastasija krychu raspaviadała pra siabie telehram-kanału «Mahiloŭ — moj horad». Tady jana pryznałasia, što zahladvacca na žaleznych koniej pačała kala troch hadoŭ tamu. I spačatku prydumała efiektny vobraz dy nabyła jarki šlem z koskami, a tolki potym pajšła vučycca vadzić matacykł. Pakul zdavała na katehoryju A, u prodažy źjaviŭsia cikavy varyjant — Kawasaki ER300 z cytrynava-nieonavymi dyskami. Hety koler staŭ i jaje fiškaj. Anastasija časta vykarystoŭvaje jaho ŭ adzieńni i navat u manikiury.
Telehram-kanał pisaŭ, što rost u matacyklistki nievialiki — usiaho 155 santymietraŭ, — ale heta nie pieraškadžaje joj licha kiravać lubimym transpartnym srodkam. Anastasija šmat vandruje pa Biełarusi ź siabrami na bajkach.
Kamientary