Izrail nanios udar pa Biejrucie. Mahčyma, zabity adzin ź lidaraŭ «Chiezbały»
Izrailskaja armija naniesła ŭdar pa paŭdniovym rajonie stalicy Livana Biejruta, u jakim raźmieščanaja štab-kvatera ruchu «Chiezbała». U vyniku ŭdaru byli razburanyja jak minimum piać pavierchaŭ šmatpaviarchovika pobač sa špitalem
30.07.2024 / 23:02
Fota: AP Photo/Hussein Malla
Adnoj z celaŭ udaru Izraila pa Biejrucie byŭ staršy daradca lidara «Chiezbały» Fuad Šukr. Jaho ličać adkaznym za hibiel izrailskich dziaciej u pasiołku Madždal-Šams na Hałanskich vyšyniach. Akramia taho, CACHAŁ nazyvaje jaho kiraŭnikom prajekta pa stvareńni vysokadakładnych rakiet dla «Chiezbały».
Adnosna losu Fuada Šukra źviestki supiarečlivyja: adnyja krynicy śviedčać, što jon nibyta zahinuŭ, inšyja — što vyžyŭ, ale surjozna paranieny.
Livanskaje vydańnie «Al-Achbar» piša, što ŭ vyniku ŭdaru pa Biejrucie zahinuła žančyna. Akramia taho, 17 čałaviek byli paranienyja, u tym liku šeść dziaciej.
Raniej u noč na 28 lipienia vajskovaja avijacyja CACHAŁ naniesła ŭdary pa abjektach «Chiezbały» ŭ Livanie. Siarod inšaha ad hetaha paciarpieli składy sa zbrojaj i infrastruktura bajevikoŭ.
Izrailskaja armija naniesła ŭdary pa vajennych abjektach «Chiezbały»
Ułady ZŠA i inšych krain zaklikajuć svaich hramadzian pakinuć Livan. Biejrut u čakańni ŭdaru
Izrail adkazaŭ na hibiel ludziej na futbolnym poli ŭdarami pa «Chiezballe» ŭ Livanie
Izrail papiaredziŭ pra mahčymaść poŭnamaštabnaj vajny z «Chiezbałoj»
Paŭnamaštabnaja vajna pamiž Izrailem i «Chiezbałoj» moža pačacca ŭ bližejšy čas