У Рыме з пагоняй затрымалі беларуса на скрадзеным фургоне
У Рыме затрымалі 29-гадовага беларуса, які спрабаваў схавацца ад праваахоўнікаў на скрадзеным фургоне. Пра гэта паведамляе выданне Roma Today, піша сайт «Беларусь и мир».
29.07.2024 / 21:39
Аўтамабіль італьянскай паліцыі. Фота: facebook.com/carabinieri.it
Інцыдэнт адбыўся ўвечары ў аўторак 23 ліпеня ў гарадскім квартале Чэнтачэле. Беларус на транспартным сродку не спыніўся на патрабаванне дарожнага патруля, а пасля нядоўгай спробы ўцёкаў ад праваахоўнікаў пакінуў машыну і хацеў уцячы, але быў злоўлены.
Наступнае расследаванне, неадкладна праведзенае паліцэйскімі, засведчыла, што аўтамабіль, на якім ехаў беларус, быў толькі што ўгнаны. Цяпер наш суайчыннік абвінавачваецца ў атрыманні маёмасці, здабытай злачынным шляхам, а таксама супраціў службовай асобе.
Да суда беларуса адпусцілі, а фургон вярнулі законнаму ўладальніку.
Сталі вядомыя новыя падрабязнасці інцыдэнту ў лесе ў Варшаве: педафіліі не было, затое быў разбой
У Італіі затрымалі беларуса, аб'яўленага ў вышук на радзіме
У Германіі беларус пабіўся з малдаванінам. Апошні быў парэзаны