U Homieli buduć sudzić uładalnikaŭ adnoj z najbujniejšych pryvatnych firmaŭ horada
Na łavie padsudnych apynuŭsia nieadnarazovy łaŭreat konkursu «Najlepšy pradprymalnik Homielskaj vobłaści». Raman Naprejeŭ, piša «Fłahštok».
29.07.2024 / 18:08
Raman Naprejeŭ. Fota: Anłajnier
2 žniŭnia ŭ sudzie Centralnaha rajona Homiela adbudziecca razhlad kryminalnaj spravy ŭ dačynieńni da słužbovych asob i saŭładalnikaŭ TDA «Palidreŭ». Ramana Naprejeva, Vasila Kavalčuka i Maksima Chudana abvinavačvajuć va ŭchileńni ad vypłaty padatkaŭ u bujnym pamiery. Maksimalny pamier pakarańnia, jaki pahražaje abvinavačanym — 7 hadoŭ pazbaŭleńnia voli.
Infarmacyja pra razhlad kryminalnaj spravy ŭ śpisie sudovych pasiadžeńniaŭ
Najbolš viadomym biznesmenam z troch fihurantaŭ kryminalnaj spravy źjaŭlajecca Raman Naprejeŭ. Vydańnie «Ježiednievnik» nazyvała jaho ŭ liku najbolš upłyvovych pradprymalnikaŭ Homielskaj vobłaści.
Jak minimum dvojčy, u 2009 i 2013 hodzie, čynoŭniki Homielskaha abłvykankama nazyvali jaho ŭ liku najlepšych pradprymalnikaŭ Homielskaj vobłaści. Naprejeŭ uvachodziŭ u skład hramadska-kansultatyŭnaj rady pa raźvićci pradprymalnictva pry Homielskim abłvykankamie.
Raman Naprejeŭ atrymlivaje ŭznaharodu z ruk staršyni Homielskaha abłvykankama Uładzimira Dvornika. Fota: HA «Adzinstva»
Raman Napriejev zasnavaŭ TDA «Palidreŭ» u 1991 hodzie razam ź Piatrom Chudanom (baćkam inšaha fihuranta kryminalnaj spravy). Paźniej da liku partnioraŭ dałučyŭsia i Vasil Kavalčuk, jaki staŭ paśla dyrektaram pradpryjemstva.
Asnoŭnym napramkam biznesu TDA «Palidreŭ» z momantu zasnavańnia źjaŭlajecca vytvorčaść detalaŭ z płastyka, jakija vykarystoŭvajucca ŭ mašynabudavańni. Pradukcyju zakuplajuć «Homsielmaš», MTZ, MAZ, BiełAZ, «Amkador», a taksama rasijskija mašynabudaŭniki. Paźniej kampanija asvoiła i inšyja kirunki dziejnaści.
Akramia «Palidreva», u Ramana Naprejeva majucca i inšyja bujnyja prajekty ŭ Homieli: sietka ustanoŭ pad brendam «Čisto», restarany «Baćki», «Fasol», sušy-bar «Tabu». U 2015 hodzie biznesmien zapuściŭ prajekt pa vytvorčaści termapanelaŭ «Biełań» na bazie SEZ «Homiel-Raton».
Paśla padziej 2020 hoda Raman Naprejeŭ vykazaŭ svaju padtrymku Łukašenku. Jon vykarystoŭvaŭsia biełaruskaj prapahandaj u pieryjad praviadzieńnia Usiebiełaruskaha narodnaha schodu ŭ lutym 2021 hoda.
Svajo staŭleńnie da biełaruskaj palityki ŭ toj čas pradprymalnik acharaktaryzavaŭ nastupnymi słovami:
«Chaatyčnaść žyćciovych pryncypaŭ naviazvajuć nam praz pavučańni i pahrozy z-za miažy. Vynikam takich źmien sapraŭdy budzie chaos. My heta vydatna bačym u susiedniaj Ukrainie, tam abvieščanyja samyja demakratyčnyja kaštoŭnaści, a žyćciovy ŭzrovień nasielnictva ŭsio nižejšy i nižejšy».
U Homieli abrynuŭsia budynak byłoha RAUS. U im u 2020-m katavali pratestoŭcaŭ
U Homieli anansavali patryjatyčnuju padśvietku televyški