Kiraŭnik MUS Ukrainy: Strałok u Faryjon — tolki vykanaŭca
Kiraŭnik MUS Ukrainy Ihar Klimienka paviedamiŭ niekatoryja detali ab zatrymańni ŭ Dniapry mierkavanaha zabojcy hramadskaha dziejača Iryny Faryjon, piša «Novaja hazieta».
25.07.2024 / 15:40
Małady čałaviek — žychar Dniapra. Dla padrychtoŭki zabojstva jon arandavaŭ nie mienš za try kvatery ŭ Lvovie, skazaŭ Ihar Klimienka.
Raniej palicyja raspaŭsiudziła taki fotarobat.
«Vielizarnaja kamanda apieratyŭnikaŭ» pracavała 139 hadzin, abśledavaŭšy 100 ha terytoryi adychodu strełka. Znajści mužčynu paśla atrymańnia jaho fota «było spravaj času».
Śledstva schilajecca da mierkavańnia, što strałok — tolki vykanaŭca.
«Bolš infarmacyi budzie apublikavana paźniej», dadaŭ Ihar Klimienka.
Nahadajem, što ŭ byłuju deputatku Viarchoŭnaj Rady ad partyi «Svaboda» Irynu Faryjon stralali ŭviečary 19 lipienia ŭ Lvovie. Padčas zamachu jana atrymała ciažkoje ranieńnie, paśla jakoha była dastaŭlena ŭ balnicu, dzie i pamierła praz try hadziny.
Zatrymali padazravanaha ŭ zabojstvie Iryny Faryjon
Palicyja Ukrainy pakazała fota mierkavanaha zabojcy Iryny Faryjon
Iryna Faryjon pamierła ŭ balnicy
U Lvovie stralali ŭ palityka Irynu Faryjon. Jana ŭ krytyčnym stanie