У Ляхавіцкім раёне мужчына хацеў спаліць суседскі хлеў, ды памыліўся будынкам
37-гадовы вясковец з Ляхавіцкага раёна пасля сваркі з суседам хацеў спаліць таму хлеў, але замест таго ўчыніў пажар на тэрыторыі прадпрыемства.
24.07.2024 / 22:24
Фота ілюстрацыйнае
Спачатку мужчына выпіваў у сябе дома, а пасля наважыўся адпомсціць суседу за нейкую крыўду. Але сп'яну не патрапіў адрозніць хлеў свайго крыўдзіцеля ад пабудовы мясцовага прадпрыемства.
Вясковец падпаліў кару дрэва, кінуў яе ў будынак і той загарэўся. І толькі калі мужчына ўжо пайшоў дадому, да яго дайшло, што адбылася памылка. Ён вярнуўся назад, каб патушыць агонь, там яго і затрымалі.
Цяпер супраць падпальшчыка завялі крымінальную справу за наўмыснае знішчэнне альбо пашкоджанне чужой маёмасці.
У Браслаўскім раёне ў полі згарэў камбайн беларускай вытворчасці
У Полацкім раёне карова ўпала ў калодзеж. Вось як яе ўратавалі ВІДЭА
85-гадовая жанчына правалілася ў склеп