Што вядома пра суддзю і пракурорку, якія вынеслі смяротны прысуд грамадзяніну Германіі
Алег Лапека і Таццяна Гракун
20.07.2024 / 15:04
Справу Рыка Крыгера разглядаў суддзя Алег Лапека. Дзяржаўнае абвінавачванне падтрымлівала прадстаўніца Генеральнай пракуратуры Таццяна Гракун, піша «Вясна».
Алег Лапека ў 2021 годзе быў бестэрмінова прызначаны намеснікам старшыні Мінскага абласнога суда — адпаведны ўказ падпісаў Лукашэнка. У 2014 годзе ён быў ўзнагароджаны медалём «За бездакорную службу III ступені»
Таццяна Гракун пачынала кар'еру ў пракуратуры Мінскай вобласці і даслужылася там да старшага пракурора аддзела па наглядзе за адпаведнасцю закону судовых рашэнняў. Пасля пачатку масавых рэпрэсій, яе павысілі і перавялі на пасаду пракурора ў Генеральную пракуратуру. У 2023-ім годзе Гракун падтрымлівала абвінавачванне «справе Tut.by».
У маі 2020 года яе ўзнагародзілі медалём «За бездакорную службу» III ступені.
Пазней Гракун трапіла ў санкцыйны спіс ЕС і Вялікабрытаніі.
Што вядома пра грамадзяніна Германіі Рыка Крыгера, якому ў Беларусі прысудзілі расстрэл
Расстрэльная справа Рыка Крыгера тычыцца яго ўдзелу ў Палку Каліноўскага — праваабаронцы
Полк Каліноўскага адмаўляе датычнасць Рыка Крыгера да падраздзялення
МЗС Германіі пацвердзіў інфармацыю пра смяротны прысуд свайму грамадзяніну ў Беларусі
Z-канал: Імаверна, Крыгер арганізоўваў дыверсіі ў Бранскай вобласці