Urahan zakranuŭ nasielenyja punkty, u jakich žyvie bolš za miljon čałaviek
Takoj statystykaj na sielektarnaj naradzie padzialiŭsia vice-premjer Anatol Sivak.
19.07.2024 / 13:50
Fota: Minenierha
Urahan, jaki bušavaŭ u Biełarusi 14 lipienia, zakranuŭ nasielenyja punkty, u jakich žyvie 1,2 młn čałaviek. Pra heta zajaviŭ vice-premjer Anatol Sivak na vialikaj sielektarnaj naradzie, piša BiełTA.
Sivak akcentavaŭ uvahu na najbolš paciarpiełaj ad niepahadzi Homielskaj vobłaści i źviarnuŭ uvahu na vialiki maštab razbureńniaŭ.
«Niepahadź zakranuła nasielenyja punkty, u jakich pražyvaje 1,2 młn čałaviek. Pracujem, robim vysnovy. Tyja kamandy, jakija dadzieny, buduć vykananyja», — adznačyŭ vice-premjer.
Łukašenka pravučyŭ Sivaku dziejničać u Homielskaj vobłaści, jak u surjoznaj nadzvyčajnaj situacyi.
Nahadajem, u vyniku ŭrahanu 14 lipienia na niekalki dzion bieź śviatła zastalisia sotni nasielenych punktaŭ, u tym liku 100-tysiačny Mazyr. U rajcentry taksama byli prablemy i ź pitnoj vadoj.
«Nie chočuć razumieć, što heta vajna!» Łukašenka vykazaŭ pretenzii paciarpiełym ad bury
U Homielskaj vobłaści admianili režym nadzvyčajnaj situacyi
Urahan pavaliŭ viekavyja lipy na siadzibie Chraptovičaŭ u Ščorsach