Biełaruski instytut publičnaj historyi prajšoŭ rehistracyju ŭ Polščy
Biełaruskija historyki i daśledčyki ŭ vyhnańni, jakija peŭny čas tamu stvaryli Biełaruski instytut publičnaj historyi, zarehistravali jaho ŭ Polščy jak hramadskuju arhanizacyju. Rašeńnie ab rehistracyi pryniaŭ akruhovy sud Varšavy 4 lipienia.
18.07.2024 / 23:30
Hałoŭnyja mety Biełaruskaha instytutu publičnaj historyi — padtrymańnie nacyjanalnaj identyčnaści biełarusaŭ, stvareńnie pohladu na minułaje biez aŭtarytarnych i ideałahičnych ustanovak, zachavańnie pamiaci pra trahičnyja pieryjady historyi Biełarusi, farmulavańnie bačańnia na składanyja i nieadnaznačnyja temy historyi našaj krainy, a taksama papularyzacyja i prasoŭvańnie nacyjanalnaha histaryčnaha naratyvu u Biełarusi i na mižnarodnym uzroŭni.
Uznačalvajuć instytut akademičny dyrektar, kandydat sacyjałahičnych navuk Alaksiej Łastoŭski i staršynia praŭleńnia, žurnalist, daśledčyk stalinskich represij Ihar Stankievič.
U skład instytuta taksama ŭvajšoŭ šerah śpiecyjalistaŭ u halinie historyi. U traŭni arhanizacyja stvaryła ŭłasnyja telehram– i jutub-kanały.
Historyki ŭ vyhnańni stvaryli Biełaruski instytut publičnaj historyi
Kaho siońnia možna nazvać sapraŭdnym patryjotam Biełarusi? Hutarka ź fiłosafam Barkoŭskim