U minskim aeraporcie zakryli adnu z aŭtastajanak
U Nacyjanalnym aeraporcie Minsk časova zakryli dla mašyn aŭtastajanku R3. Jaje terytoryju pieradali pad budaŭničuju placoŭku, paviedamili ŭ pres-słužbie aeraporta.
18.07.2024 / 17:37
Havorka idzie pra prajekt «Časovaja płoskasnaja aŭtamabilnaja stajanka na prylehłaj terytoryi Nacyjanalnaha aeraporta Minsk», budoŭla jakoj užo pačałasia.
U aeraporcie papiaredzili, što arhanizavanaja reziervovaja zona aŭtastajanki R3 dla raźmiaščeńnia aŭtamabilaŭ.
Pradstaŭniki aeravakzała taksama źviarnuli ŭvahu, što ŭ suviazi ź siezonnym pavieličeńniem nahruzki na aŭtastajanki kolkaść volnych miescaŭ abmiežavanaja albo miescy i zusim mohuć adsutničać.
Tamu jany prosiać zahadzia spłanavać sposab prybyćcia ŭ aeraport. Aeraport nie harantuje nadańnia stajanačnych miescaŭ dla mašyn z pryčyny ich abmiežavanaj kolkaści.
Minskaja «Isłač» dabirałasia da Vienhryi 17 hadzin aŭtobusam