38-гадовы Лука Модрыч працягнуў кантракт з «Рэалам»
За «каралеўскі клуб» харват гуляе з 2012 года і выйграў кучу трафеяў.
18.07.2024 / 08:12
Фота: прэс-служба «Рэала»
Харвацкі паўабаронца Лука Модрыч падоўжыў кантракт з мадрыдскім «Рэалам». Тэрмін дзеяння новага пагаднення з 38-гадовым паўабаронцам, якому ў верасні споўніцца 39 гадоў, разлічаны да 30 чэрвеня 2025 года.
Модрыч выступае за «Рэал» з 2012 года, куды перайшоў з хранічна бестрафейнага «Тотэнхема».
У складзе мадрыдцаў харват выйграў 26 трафеяў, шэсць разоў станавіўся пераможцам Лігі чэмпіёнаў, у тым ліку ў чэрвені гэтага года.
Зараз Лука выходзіць на поле пераважна ў канцы гульні, але дадае інтрыгі і ўмацоўвае атакі клуба.
За апошнія два гады Модрыч неаднаразова адмаўляўся ад прапаноў клубаў з Саудаўскай Аравіі перайсці ў іх чэмпіянат за вялікія грошы.
Мінскае «Дынама» на апошніх хвілінах прабілася ў другі раўнд кваліфікацыі Лігі чэмпіёнаў ВІДЭА
Мінская «Іслач» дабіралася да Венгрыі 17 гадзін аўтобусам
На Алімпіяду ад Беларусі едзе мінімальная ў гісторыі колькасць удзельнікаў — 16 чалавек