У машыне хлопца, што страляў у Трампа, знайшлі выбухоўку
Што яшчэ вядома пра стралка на мітынгу Трампа?
14.07.2024 / 19:07
Томас Мэцью Крукс. Скрыншот відэа
Улады выявілі выбуховыя прылады ў машыне 20-гадовага Томаса Мэцью Крукса, якая была прыпаркаваная недалёка ад мітынгу Трампа. Пра гэта піша The Wall Street Journal са спасылкай на крыніцы, знаёмыя з ходам расследавання.
Страляніна адбылася 14 ліпеня падчас выступу Трампа перад прыхільнікамі. Былы прэзідэнт ЗША, які зноў вылучаецца на пасаду кіраўніка краіны, быў лёгка паранены ў вуха. Два чалавекі, уключаючы стралка, забітыя, двое ўдзельнікаў мітынгу цяжка параненыя.
Падазраваны Крукс жыў у Бетэль-Парку, штат Пенсільванія, прыгарадзе Пітсбурга, прыкладна ў гадзіне язды ад месца, дзе праходзіў мітынг.
Пра яго пакуль вядома няшмат, і матыў нападу не ясны. У рэгістрацыйнай картцы выбаршчыка пазначана, што ён калісьці быў зарэгістраваны як рэспубліканец. Пентагон заявіў, што Крукс не служыў у войску.
Следчым спачатку было цяжка ўстанавіць ягоную асобу, збольшага праз тое, што ў яго не было пры сабе ніякіх дакумэнтаў. Яны выкарыстоўвалі ДНК, фатаграфіі і іншую інфармацыю, каб пацвердзіць яго асобу.
Па словах прадстаўнікоў праваахоўных органаў, на месцы здарэння была выяўленая вінтоўка AR-тыпу. Па словах людзей, знаёмых з ходам расследавання, зброя была набыта бацькам Крукса.
Былая аднакласніца Крукса сказала, што той не выказваў у школе ніякіх выразных палітычных поглядаў.
Хлопец, што страляў у Трампа, быў рэспубліканцам
Ілан Маск заявіў пра поўную падтрымку Трампа
Дональд Трамп зрабіў заяву пасля атакі на яго
Байдэн сказаў, што моліцца за Трампа, і заклікаў аб'яднацца ўсю нацыю