Dadatkovych pahroz z boku Biełarusi pakul niama — HUR
Ukrainskaja raźviedka ŭvažliva adsočvaje situacyju vakoł sumiesnych «antyterarystyčnych» vučeńniaŭ Kitaja i Biełarusi na terytoryi Biełarusi, ale kanstatuje, što dadatkovych pahroz i pravakacyj pakul niama, zajaviŭ pradstaŭnik Hałoŭnaha ŭpraŭleńnia raźviedki Ministerstva abarony Andrej Jusaŭ u kamientary «Ukrainskaj praŭdzie».
13.07.2024 / 18:27
Andrej Jusaŭ. Fota: Vitalii Nosach/Global Images Ukraine via Getty Images
«Pavodle apošnich źviestak, nijakich dadatkovych pahroz z boku Biełarusi pakul niama. U pryvatnaści, havorka idzie pra sapraŭdy płanavyja vučeńni. Zrešty, rasijskaja dezynfarmacyja tradycyjna moža pasprabavać vykarystoŭvać lubyja padstavy dla ŭzmacnieńnia svaich pazicyj.
Siły biaśpieki i abarony Ukrainy biezumoŭna ŭvažliva sočać za situacyjaj na hetym kirunku i kantralujuć jaje», — zapeŭniŭ Andrej Jusaŭ.
Pierad hetym ukrainski Centr nacyjanalnaha supracivu zajaviŭ, što nibyta atrymaŭ infarmacyju, byccam biełaruskija siłavyja viedamstvy rychtujucca pravieści tak zvanyja apieracyi pad čužym ściaham u pamiežnaj zonie z Ukrainaj.
U Biełaruś prylacieli vajskoŭcy z Kitaja
Minabarony zakuplaje drony amal u 30 razoŭ daražej za rynkavy košt