Biełaruś ratyfikavała pahadnieńnie z Vjetnamam ab biaźvizavych pajezdkach
Alaksandr Łukašenka 8 lipienia padpisaŭ zakon, jaki zaćviardžaje mižuradavaje pahadnieńnie z Vjetnamam ab admienie viz dla ŭładalnikaŭ nacyjanalnych pašpartoŭ. Dakumient apublikavany 12 lipienia na Nacyjanalnym pravavym internet-partale.
12.07.2024 / 14:46
Fota: Oleksandr Rupeta / NurPhoto via Getty Image
Mižuradavaje pahadnieńnie było padpisana ŭ Chanoi 8 śniežnia 2023 hoda i, jak paviedamlałasia, nakiravana na «spraščeńnie ŭzajemnych pajezdak hramadzian dźviuch dziaržaŭ».
Adznačałasia, što pahadnieńnie dazvolić «ujazdžać, vyjazdžać, ruchacca tranzitam i znachodzicca bieź viz na praciahu terminu, jaki nie pieravyšaje 30 dzion». Ahulnaja praciahłaść znachodžańnia nie pavinna pieravyšać 90 dzion u kalandarnym hodzie.
Pahadnieńnie ŭstupić u siłu paśla abmienu bakami dakumientami ab ratyfikacyi.
%MCEPASTEBIN%
Šeść azijackich krain mohuć uvieści adzinuju vizu dla turystaŭ
U jakija krainy biełarusy mohuć adpravicca na adpačynak bieź vizy? Śpis vialiki, ale jość niuansy