Viktar Orban maje namier siońnia sustrecca z Donaldam Trampam
Jak śćviardžajuć krynicy ahienctva Bloomberg, sustreča Trampa i Orbana adbudziecca 11 lipienia ŭ Fłarydzie paśla samitu NATA.
11.07.2024 / 11:57
Viktar Orban vitajecca z Džo Bajdenam. Sprava — hienieralny sakratar NATA Jens Stołtenbierh. Fota: instahram Viktara Orbana
Bloomberg adznačaje, što sustreča Orbana i Trampa, vierahodna, uzmocnić aściarohi, što vienhierski premjer pracuje ŭ jakaści pasiarednika pamiž Pucinym i Trampam.
Raniej u lipieni Orban u ramkach svajoj «miratvorčaj misii» pa ŭrehulavańni kanfliktu va Ukrainie sustreŭsia ź lidarami Ukrainy, Rasii i Kitaja.
U svaju čarhu kiraŭnik MZS Vienhryi Pieter Sijarta ŭ intervju ahienctvu Reuters, jakoje jon daŭ na samicie NATA ŭ Vašynhtonie, nazvaŭ mahčymuju pieramohu Trampa na prezidenckich vybarach «šansam na mir» va Ukrainie.
«Ja dumaju, što pavinna adbycca vielmi mocnaje źniešniaje ŭździejańnie, kab prymusić ich [lidaraŭ Rasii i Ukrainy] chacia b pačać pieramovy», — skazaŭ Sijarta. «U kaho jość šaniec zrabić heta ŭ nastupny pieryjad? Tolki ŭ prezidenta Trampa, kali jon budzie abrany».
Sijarta adznačyŭ, što niadaŭnija sustrečy Orbana z Pucinym i Zialenskim pakazali, što pazicyi bakoŭ dalokija adna ad adnoj, a inšyja zachodnija lidery nie chočuć abo nie mohuć ich zblizić.
U pačatku lipienia vydańnie Politico paviedamlała, što Donald Tramp «abdumvaje» płan, pavodle jakoha NATA moža admovicca ad pašyreńnia na ŭschod i pačać pieramovy z Uładzimiram Pucinym ab tym, jakuju častku akupavanaj ukrainskaj terytoryi moža zachavać Maskva, piša «Mieduza».
Zialenski patłumačyŭ, čamu Orban nie moža być mirnym pasiarednikam