U Biełarusi ŭviaduć kryminalnuju adkaznaść za prahlad dziciačaha porna
Taksama na zakanadaŭčym uzroŭni MUS inicyjavała ŭviadzieńnie adkaznaści za prapahandu nietradycyjnych sieksualnych adnosin.
11.07.2024 / 09:03
U Vienie prajšło pasiadžeńnie siesii rabočaj hrupy Kanfierencyi Bakoŭ Kanviencyi AAN suprać transnacyjanalnaj arhanizavanaj złačynnaści pa supraćdziejańni handlu ludźmi. Biełaruskuju delehacyju na forumie ŭznačaliŭ namieśnik načalnika Hałoŭnaha ŭpraŭleńnia pa narkakantroli i supraćdziejańni handlu ludźmi MUS Dźmitryj Čartkoŭ.
Udzielniki abmierkavali pytańni procidziejańnia handlu ludźmi, asabliva žančynami i dziećmi, u tym liku z metaj atrymańnia orhanaŭ.
Pavodle MUS, u Biełarusi zastajecca aktualnaj prablema vyrabu parnahrafičnych materyjałaŭ. Kolkaść paciarpiełych ad hetaha biełaruskich dziaciej u 2023 hodzie ŭzrasła bolš čym udvaja ŭ paraŭnańni ź minułym hodam. Dakładnyja ličby nie nazyvajucca.
U suviazi z hetym, paviedamlaje MUS, zaviaršajecca prapracoŭka zakonaprajekta ab uviadzieńni adkaznaści za spažyvańnie dziciačaj parnahrafii biez mety raspaŭsiudu, to-bok za prahlad.
Taksama na zakanadaŭčym uzroŭni MUS inicyjavała ŭviadzieńnie adkaznaści za prapahandu piedafilii i nietradycyjnych sieksualnych adnosin.
Kiraŭnik Centra vydačy asabistych dakumientaŭ Litvy adchileny ad pasady paśla rasśledavańnia BRC