Biełaruskija kramy pačali pradavać u śpioku lod u kubačkach
U kramach sietki Jeŭraopt pačali pradavać lod u kubačkach. Chadavy tavar pakazali ŭ tyktok-akaŭncie handlovaj sietki, rolik nabraŭ bolš za 280 tysiač prahladaŭ.
10.07.2024 / 21:57
Skrynšot ź videa
«Znojdzieny kruty łajfchak ŭ śpiakotu! Biarem kubačak ź lodam, zalivajem luby napoj i atrymlivajem asałodu ad prachałody», — prapanavali ŭ kampanii pakupnikam.
Na videa pakazali, što kubački ź lodam u kramach Jeŭraopta lažać u marazilnikach. Na ich — brendavaja nalepka «Znoŭ śpioka? Zachapicie mianie». Płastykavy kubačak ź viečkam zapoŭnieny lodam napałovu.
Biełarusy prakamientavali videa z prachałodnaj navinkaj, zaŭvažyŭšy, što ideja nie novaja, a košt u amal 1 biełaruski rubiel vysoki. Chtości ździŭlaŭsia, navošta kuplać lod, kali možna prosta nabyć napoj z chaładzilnika. Trecija pieražyvali, što pakul dojdzieš da kasy i adstaiš čarhu — lod rastanie.
Ale znajšłosia siarod kamientataraŭ niamała tych, chto ščyra paradavaŭsia navincy.
U Saudaŭskaj Aravii znajšli sposab, jak abaranić pałomnikaŭ u Miekku ad 50-hradusnaj śpioki
U Homieli anansavali patryjatyčnuju padśvietku televyški
U Babrujsku dziaŭčynka ihrała na skrypcy, kab naźbirać na rovar. Były palitviazień vykanaŭ jaje maru