Беларускія крамы пачалі прадаваць у спёку лёд у кубачках
У крамах сеткі Еўраопт пачалі прадаваць лёд у кубачках. Хадавы тавар паказалі ў тыкток-акаўнце гандлёвай сеткі, ролік набраў больш за 280 тысяч праглядаў.
10.07.2024 / 21:57
Скрыншот з відэа
«Знойдзены круты лайфхак у спякоту! Бярэм кубачак з лёдам, заліваем любы напой і атрымліваем асалоду ад прахалоды», — прапанавалі ў кампаніі пакупнікам.
На відэа паказалі, што кубачкі з лёдам у крамах Еўраопта ляжаць у маразільніках. На іх — брэндавая налепка «Зноў спёка? Захапіце мяне». Пластыкавы кубачак з вечкам запоўнены лёдам напалову.
Беларусы пракаментавалі відэа з прахалоднай навінкай, заўважыўшы, што ідэя не новая, а кошт у амаль 1 беларускі рубель высокі. Хтосьці здзіўляўся, навошта купляць лёд, калі можна проста набыць напой з халадзільніка. Трэція перажывалі, што пакуль дойдзеш да касы і адстаіш чаргу — лёд растане.
Але знайшлося сярод каментатараў нямала тых, хто шчыра парадаваўся навінцы.
У Саудаўскай Аравіі знайшлі спосаб, як абараніць паломнікаў у Мекку ад 50-градуснай спёкі
У Гомелі анансавалі патрыятычную падсветку тэлевышкі
У Бабруйску дзяўчынка іграла на скрыпцы, каб назбіраць на ровар. Былы палітвязень выканаў яе мару