U Sienacie Polščy abmierkavali novyja mahčymaści dla biełaruskich studentaŭ
Vice-maršałak polskaha Sienata Michał Kamiński arhanizavaŭ pracoŭnuju sustreču z udziełam vice-ministarki zamiežnych spravaŭ Hanny Radvan, dyrektara stypiendyjalnaj prahramy imia Kastusia Kalinoŭskaha prafiesaram Janam Malickim i delehacyi biełaruskich studentaŭ, što navučajucca ŭ Polščy, paviedamiŭ «Parłamiencki Kanał».
10.07.2024 / 18:52
Padčas hetaj sustrečy abmiarkoŭvalisia pytańni vyzvaleńnia stypiendyjataŭ prahramy Kastusia Kalinoŭskaha ad apłaty za vučobu ŭ polskich univiersitetach, mahčymaść dla biełaruskich studentaŭ vydavać vizavyja zaprašeńni dla svaich siemjaŭ, prablemy z vydavańniem apastylaŭ dla nieabchodnych dakumientaŭ u Biełarusi.
Pa vynikach sustrečy było damoŭlena arhanizavać sustreču na vysokim uzroŭni z prezidyumam Kanfierencyi rektaraŭ polskich univiersitetaŭ, źviartacca da kansułataŭ Polščy ŭ Biełarusi pa vizavuju padtrymku. Taksama było zajaŭlena, što MZS Polščy pracuje ŭ kirunku spraščeńnia pracedur dla biełarusaŭ.
Čynoŭniki prydumali niezvyčajny sposab utrymać školnikaŭ ad pastupleńnia za miažu
Univiersitet Daŭhaŭpiłsa vydzieliŭ dla biełarusaŭ biudžetnyja miescy ŭ mahistratury
Minadukacyi abiacaje prastaŭlać apastyl ciaham adnaho dnia
Dzieci pravodziać dni ŭ čarzie pa apastyl na atestat