30 hadoŭ tamu Łukašenku abrali prezidentam
10 lipienia 1994 hoda adbyŭsia druhi tur pieršych prezidenckich vybaraŭ, u vyniku jakoha Alaksandr Łukašenka pieramoh premjer-ministra Viačasłava Kiebiča i staŭ prezidentam krainy.
10.07.2024 / 07:40
Druhi tur adbyŭsia 10 lipienia, a ŭstupiŭ na pasadu 20 lipienia. Wikimedia Commons
Z taho času jon aficyjna pieramahaŭ na vybarach jašče piać razoŭ: u 2001-m, 2006-m, 2010-m, 2015-m i 2020-m hadach.
Pryčym abviaščeńnie vynikaŭ u 2006-m, 2010-m i 2020-m pryvodziła da pratestaŭ.
U 2006 hodzie na Kastryčnickaj płoščy ŭźnik namiotavy haradok, jaki byŭ źniščany ŭ noč na 24 sakavika, praz administracyjnyja aryšty prajšli dziasiatki čałaviek.
19 śniežnia 2010 hoda masavaja demanstracyja była razahnanaja na płoščy Niezaležnaści, niekalki sotniaŭ čałaviek byli zatrymanyja, u tym liku i siem kandydataŭ u prezidenty. Andrej Sańnikaŭ i Mikoła Statkievič byli asudžanyja da realnych terminaŭ. Uładzimir Niaklajeŭ pravioŭ miesiac za kratami, Aleś Michalevič — dva miesiacy ŭ turmie. Vital Rymašeŭski, Dźmitryj Us i Ryhor Kastusioŭ byli zatrymanyja na niejki čas, ale potym vypuščanyja.
Fota: Mikhail Metzel Sputnik Kremlin Pool Photo via AP
Falsifikacyja vynikaŭ vybaraŭ u 2020 hodzie naohuł pryviała da niečuvanych pratestaŭ, jakija doŭžylisia niekalki miesiacaŭ.
Adnačasova z pratestami pačalisia masavyja represii, dziasiatki tysiač ludziej prajšli praz administracyjnyja aryšty i štrafy, tysiačy — praź SIZA i kałonii, dziasiatki tysiač, kali nie sotni tysiač byli vymušanyja emihravać. Represii nie spyniajucca i siońnia.
Milinkievič nazvaŭ mahčymaha pierajemnika Łukašenki, ale zaklikaŭ nie pieražyvać
Drakachrust acaniŭ šancy Viktara i Mikałaja Łukašenkaŭ na ŭładu
Chto moža stać biełaruskim Chruščovym? Viersija Drakachrusta