Еўрасаюз разглядае магчымасць працягнуць кантракт з «Газпрамам» пасля 2024 года
На неабходнасці новай дамовы з «Газпрамам» настойваюць, па даных нямецкай газеты Handelsblatt, Аўстрыя, Венгрыя, Славакія і Чэхія. Дзейны кантракт на транзіт расійскага газу праз Украіну ў Еўропу паміж «Газпрамам» і ўкраінскім «Нафтагазам» заканчваецца ў канцы 2024 года.
04.07.2024 / 16:30
Фота: Dmitry Lovetsky / AP
«Нафтагаз» раней заяўляў, што не разарваў гэты кантракт толькі з увагі на інтарэсы еўрапейскіх партнёраў, а працягваць далей не збіраецца.
Схема, над якой цяпер думаюць у ЕС, паводле звестак газеты, прадугледжвае ўкладанне дамовы з Еўрапейскім энергапрадпрыемствам, якое будзе купляць газ на расійска-ўкраінскай мяжы, накіроўваць яго ў Еўрасаюз і плаціць Украіне за транзіт. Але на гэта патрэбна згода Кіева.
Іншы варыянт — пастаўкі з Азербайджана. Але гэты сцэнар немагчыма без прыцягнення да перамоваў «Газпрама».
Што тычыцца Расіі, то яна гатовая пастаўляць газ у Еўропу праз Украіну і пасля 2024 года, усё залежыць ад жадання Украіны. Пра гэта заявіў 3 ліпеня віцэ-прэм'ер Расіі Аляксандр Новак.
«Газпрам» не патрэбны: ЕС завяршыў ацяпляльны сезон з рэкорднымі запасамі газу
Еўрасаюз заявіў, што спыніць транзіт расійскага газу праз Украіну
Беларускія ўлады спадзяюцца купляць расійскі газ яшчэ танней пасля 2026 года