Słužba biaśpieki Ukrainy zajaviła, što pieraduchiliła sprobu dziaržaŭnaha pieravarotu
Jak paviedamlaje SBU, śpiecsłužby zatrymali pravakataraŭ, jakija rychtavali biesparadki ŭ Kijevie.
01.07.2024 / 10:41
«Pad vyhladam praviadzieńnia tak zvanaha «vieča» złamyśniki płanavali abviaścić pra adchileńnie ad ułady dziejnaha vajskova-palityčnaha kiraŭnictva Ukrainy. Zatym jany spadziavalisia zachapić budynak Viarchoŭnaj Rady Ukrainy i zabłakavać jaje pracu», — havorycca ŭ paviedamleńni ŭ SBU.
Pavodle SBU, zatrymanyja rychtavali pravakacyi ŭ Kijevie 30 červienia hetaha hoda.
Pavodle źviestak śledstva, hrupu ŭznačalvaŭ suzasnavalnik hramadskaj arhanizacyi, jakaja jašče z 2015 hoda viadomaja svaimi antyŭkrainskimi akcyjami.
Kab sabrać ludziej, arhanizatary pavinny byli zładzić u centry stalicy nibyta mirny schod. Ale bolšaść udzielnikaŭ mierapryjemstva chacieli vykarystać, nie raskryvajučy im sapraŭdnyja namiery.
Zatrymanym pahražaje da 10 hadoŭ turmy z kanfiskacyjaj majomaści.
Asudžany va Ukrainie mitrapalit RPC vyzvaliŭsia i abjaviŭsia ŭ Biełarusi
«Vajna pakazała, što na baku Zachadu staić mienšaść. A Armieniju Rasija tak prosta nie pakinie»
Drakachrust patłumačyŭ, čamu ŭ Biełarusi pačali ščamić prarasijskija siły