U Paryžy paśla abnarodavańnia vynikaŭ ekzitpołaŭ tysiačy ludziej vyjšli na vulicy
U Paryžy na vulicy vyjšli tysiačy ludziej, pratestujučy suprać pieršych vynikaŭ ekzitpołaŭ parłamienckich vybaraŭ, zhodna ź jakimi pieramahaje ŭltrapravaja partyja «Nacyjanalnaje abjadnańnie» na čale z Maryn Lo Pen.
01.07.2024 / 07:39
U Paryžy paśla abnarodavańnia vynikaŭ ekzitpołaŭ tysiačy ludziej vyjšli na vulicy. Fota: AP Photo / Louise Delmotte
Častka pratestoŭcaŭ zalezła na manumient u centry płoščy, adkul razmachvali ściahami Palestyny i PAR, a taksama płakatami «suprać fašyzmu».
Bolšaść demanstrantaŭ byli maładymi i skandavali łozunhi kštałtu «fašysty preč».
Pa danych praviedzienych na ŭčastkach apytańniaŭ, na daterminovych parłamienckich vybarach u Francyi ŭpeŭniena pieramahaje ŭltrapravaja partyja «Nacyjanalnaje abjadnańnie», atrymaŭšy 34% hałasoŭ. Centrysckaja partyja prezidenta Emanuela Makrona na trecim miescy z 22% hałasoŭ.
U Francyi pačalisia pazačarhovyja parłamienckija vybary
Maryn Lo Pen: Kali my sfarmujem urad, francuzskich vajskoŭcaŭ va Ukrainie nie budzie