Вучоныя знайшлі сродак для паверхняў, які забівае каронавірус
На апрацаванай ім паверхні вірусы гінуць за 15 хвілін. Што гэта за рэчыва?
01.07.2024 / 21:59
Даследчая група з Універсітэта Ювяскюля даследуе, як розныя паверхні і матэрыялы могуць паменшыць распаўсюджванне вірусных захворванняў. Фота: Tommi Sassi / jyu.fi
Як вядома, вірусы могуць заставацца актыўнымі на няпорыстых паверхнях, такіх, як пластык, на працягу доўгага часу, што патэнцыйна павялічвае рызыку заражэння.
Для зніжэння віруснай нагрузкі на іх звычайна выкарыстоўваюцца некалькі сродкаў дэзынфекцыі або павярхоўна-актыўных рэчываў, такіх як гіпахларыд натрыю ці перакіс вадароду.
Аднак з-за небяспекі для здароўя, звязаных з рэгулярным выкарыстаннем моцных сродкаў дэзынфекцыі, працаёмкасцю працэсу, расколінамі на пластыку і прамым негатыўным уздзеяннем на біяразнастайнасць, вучоныя імкнуцца знайсці больш бяспечныя і ўстойлівыя варыянты.
Альтэрнатыўны падыход заключаецца ў вывучэнні натуральных арганічных прадуктаў у якасці патэнцыйных супрацьвірусных сродкаў. Гэтым займаюцца і даследчыкі з Цэнтра нананавукі Універсітэта Ювяскюля (Фінляндыя).
Як пішуць аўтары ў сваім артыкуле ў часопісе Microbiology Spectrum, сваю ўвагу яны звярнулі на смалу іглічных дрэў — каніфоль. Нягледзячы на шырокае прымяненне злучэнняў каніфолі ў розных прамысловых мэтах, яе патэнцыял у якасці супрацьвірусных агентаў у розных галінах прымянення да гэтага часу недаацэнены
У сваім даследаванні навукоўцы выявілі, што пластыкавая паверхня, апрацаваныя каніфоллю на аснове тлустых кіслот талавага алею, паказалі добрую актыўнасць супраць сезонных вірусаў, а таксама віруса SARS-CoV-2 на працягу пятнаццаці хвілін кантакта і цудоўную эфектыўнасць праз трыццаць хвілін пры вільготнасці ў 90%.
Выдатныя супрацьвірусныя эфекты назіраліся таксама пры ніжэйшай вільготнасці ў 20% і 40%. На неапрацаваных паверхнях вірусы заставаліся заразнымі больш за двое сутак.
Гэтае даследаванне — частка больш маштабнай працы ў рамках праекта BIOPROT па распрацоўцы супрацьвірусных матэрыялаў на біялагічнай аснове для сродкаў абароны. Адмысловы акцэнт у ім робіцца на рэспіраторныя і хірургічныя маскі, а таксама шматразовыя маскі для прамысловага выкарыстання. У праекце задзейнічаныя шэсць універсітэтаў і навукова-даследчых інстытутаў, а таксама некалькі кампаній.
Аўтары ўпэўненыя, што іх распрацоўка і атрыманыя высновы будуць мець прамую выгаду як для спажыўцоў, так і для прамысловасці.
Супрацьвірусныя функцыі натуральных прэпаратаў, такіх, як смала, можна выкарыстоўваць на розных паверхнях, дзе вірусы могуць патэнцыйна заставацца заразнымі на працягу доўгага часу і лёгка распаўсюджвацца, у такіх установах, як рэстараны, дзіцячыя сады, грамадскі транспарт і крамы.
Вучоныя папярэджваюць: калі мы спім пры святле, значна павышаецца рызыка дыябету
Дызайнеры распрацавалі адзенне з жэлаціну
Вучоныя стварылі для людзей рабатызаваны шосты палец
Вучоныя абяцаюць, што неўзабаве поначы будзе бачыць кожны чалавек