U centry Homiela zładzili honki pad čyrvona-zialonym ściaham, DAI pakul nie reahuje
Małady hamialčuk pachvaliŭsia tym, jak parušaŭ praviły darožnaha ruchu, haniajučy dniom pa centralnych vulicach horada. Pry hetym, miarkujučy z kamientaroŭ, jon nie baicca pakarańnia, zaŭvažyŭ «Fłahštok».
27.06.2024 / 19:11
Skrynšot ź videa ŭ tyktoku
Vierahodna, upeŭnienaści ŭ sabie parušalniku nadaje toje, što jon i jaho kampanija haniali pa horadzie na dvuch aŭto, trymajučy dziaržaŭnyja čyrvona-zialonyja ściahi. Da taho ž na rolik nakładzienaja pieśnia «Bumier» repiera Siarohi, jaki staŭ udzielnikam dziaržaŭnaj prapahandy.
Videa nabrała sotni kamientaroŭ, siarod jakich šmat niehatyŭnych. Karystalniki taksama razabrali parušeńni PDR: pavodle ich, vyjaŭlenym na videa naležać jak minimum štrafy za niebiaśpiečnuju jazdu, nieadnarazovaje pieravyšeńnie chutkaści i nie pryšpilenyja ramiani biaśpieki.
Niekalki karystalnikaŭ zatehali akaŭnt DAI, ale adkazu pakul nie było — jak i aficyjnaj infarmacyi pra toje, ci byli pakaranyja parušalniki.
U Biełarusi chočuć uvieści elektronny pašpart dla ŭsich aŭtamabilaŭ
Stała viadoma, što za žančyna-pravakatarka chadziła pa Breście z rasijskim ściaham z Z-simvolikaj
U Hrodnie dźviuch dziaŭčat asudzili z-za čyrvona-zialonaha ściaha
U Kałodziščach zatrymali mužčynu, jaki sarvaŭ čyrvona-zialony ściah ź miascovaj kramy