Viadomy biełaruski zavod pradaje budynak. Cana — astranamičnaja
Ale pakupnik u padarunak jon atrymaje ŭ padarunak hrupu dreŭ.
27.06.2024 / 15:17
Na aŭkcyjonnaj placoŭcy «IPM-Tarhi» źjaviŭsia cikavy łot. Viadomy biełaruski zavod BATE pradaje administracyjny budynak.. Zvyčajna takija nazyvajuć zavodaŭpraŭleńniem, piša Blizko.by.
AAT «Barysaŭski zavod aŭtatraktarnaha elektraabstalavańnia «Kiroŭnaja kampanija chołdynhu «Aŭtakampanienty» (heta poŭnaja nazva pradpryjemstva) vystaviła na prodaž u Barysavie na vulicy Daŭmana administracyjny korpus «B».
Jaho ahulnaja płošča — 5.430 kvadratnych mietraŭ, jon sam čatyrochpaviarchovy, ale jość jašče padziemny pavierch, a taksama prybudova, piešachodnyja darožki i niejkaja padpornaja ścienka.
Častka płoščaŭ, u sumie kala 330 kvadratnych mietraŭ, arandujecca dźviuma kampanijami. Zatoje razam z kuplaj budynka pieramožca aŭkcyjonu atrymaje chvoju zvyčajnuju, jełku šyzuju, lipu zvyčajnuju i niekalki štuk jadłoŭca zvyčajnaha.
Pačatkovy košt łota składaje 2.527.164 rubla. Krok aŭkcyjonu-5% ad biahučaj sumy.
Plus pieramožca tarhoŭ pavinien budzie vypłacić 500 rubloŭ vydatkaŭ, 1.300 rubloŭ vydatkaŭ pradaŭca na praviadzieńnie acenki, 277 rubloŭ vydatkaŭ pa publikacyi paviedamleńnia ŭ haziecie i 0,2% ad prodažnaj cany jak ŭznaharodžańnie arhanizataru tarhoŭ.
Takim čynam, pakupnik zapłacić za budynak minimum 2.660.906 rubloŭ, abo prykładna 838.873 dalary.
Aŭkcyjon adbudziecca 17 lipienia a 10:00.
Ułady vystavili na aŭkcyjon ziamielny ŭčastak Babaryki na bierazie vadaschovišča Viača
Staradaŭni brovar u Hrodzienskaj vobłaści pradali na aŭkcyjonie za rekordnuju sumu
U Hrodnie za 120 rubloŭ pradajuć ceły štab. Ale jość niuansy
U Čačersku znoŭ sprabujuć pradać za biescań staradaŭniuju siadzibu
Stryžak u dzień narodzinaŭ arhanizavaŭ dabračynny aŭkcyjon. Adzin z łotaŭ vielmi niezvyčajny