Polskija vizavyja centry mianiajuć praviły padačy dakumientaŭ
Z 25 červienia padać dakumienty ŭ polskija vizavyja centry ŭ Hrodnie i Lidzie zmohuć tolki tyja biełarusy, jakija majuć rehistracyju pa miescy žycharstva ŭ Hrodnie i Hrodzienskaj vobłaści, paviedamlajecca na sajcie VFS Global.
24.06.2024 / 09:55
«Z 25 červienia 2024 hoda hramadzianie Respubliki Biełaruś mohuć padać dakumienty ŭ vizavych centrach Polščy ŭ Hrodnie i Lidzie ŭ adpaviednaści z rehistracyjaj pa miescy žycharstva (pastajannaja rehistracyja/štamp u pašparcie).
Rehistracyja pa miescy znachodžańnia (časovaja rehistracyja) nie zjaŭlajecca padstavaj padačy dakumientaŭ pa inšaj jurysdykcyi, adroznaj ad rehistracyi pa miescy žycharstva (pastajannaj), za vyklučeńniem vypadkaŭ, kali zajaŭnik moža paćvierdzić, što sapraŭdy vučycca, pracuje, maje inšyja padstavy doŭhaterminovaha pražyvańnia (paćviardžeńniem zjaŭlajucca aryhinały dakumientaŭ)», — havorycca ŭ paviedamleńni.
U VFS Global adznačyli, što takim čynam biełarusy zmohuć padavać dakumienty tolki ŭ vizavych centrach Polščy, jakija adpaviadajuć ich rehistracyi pa miescy žycharstva.
Novy ŭrad Polščy značna skaraciŭ kolkaść viz inšaziemcam