Rumynija pieradaść Ukrainie sistemu SPA Patriot
Viarchoŭny saviet nacyjanalnaj abarony Rumynii ŭ čaćvier pryniaŭ rašeńnie pieradavać Ukrainie sistemu Patriot, choć spravazdača rumynskaha Minabarony śćviardžała, što ciapier dla hetaha nie najlepšy čas.
20.06.2024 / 14:59
Ministr abarony Rumynii Andžeł Ciłvar nieadnarazova vystupaŭ suprać razhortvańnia hetaj sistemy va Ukrainie, pakolki jon ličyć Patriot «niezamiennym dla abarony nacyjanalnaj terytoryi».
Premjer-ministr Marčeł Čałaku taksama vykazaŭ pieraściarohu, zajaviŭšy, što Rumynija pakul nie maje dastatkovaj kolkaści sistem Patriot. Adnak jon pryznaŭ, što «raźmiaščeńnie sistemy va Ukrainie moža patencyjna prynieści karyść abaronie Rumynii».
Pieramovy ab mahčymaj pastaŭcy Ukrainie sistemy Patriot pačalisia ŭ traŭni, kali prezident Jochanis abmierkavaŭ hetaje pytańnie z prezidentam ZŠA Džo Bajdenam padčas vizitu ŭ Złučanyja Štaty.
U mai Jochanis padkreśliŭ, što «dla Rumynii nieprymalna zastavacca biez supraćpavietranaj abarony» i nastojvaŭ na tym, što «kali Rumynija ad čahości admaŭlajecca, jana pavinna atrymać niešta ŭzamien».
U toj čas Rumynija mieła tolki adnu aktyŭnuju sistemu Patriot, ale 14 červienia była ŭviedziena ŭ ekspłuatacyju druhaja sistema, treciaja čakajecca da kanca hoda, a čaćviortaja — u pačatku nastupnaha hoda.
Rumynija zapłaciła 4 młrd dołaraŭ za siem sistem Patriot, čatyry ź jakich užo pastaŭleny Złučanymi Štatami, a astatnija try pavinny prybyć da 2027 hoda.
Rasija z-za vajny va Ukrainie źniała amal usie vojski sa svajoj samaj praciahłaj miažy z NATA
Usie jadziernyja dziaržavy letaś pavialičyli svaje arsienały. Pazityŭ jość, ale mała