U Vilni biełarus ź bieł-čyrvona-biełym ściaham zalez na vyšku — jamu 4 hady nie dajuć status uciekača
Uciakač Jahor Michalkievič 17 červienia zalez na vyšku mabilnaha apieratara ź bieł-čyrvona-biełym ściaham. Tak jon pratestavaŭ suprać admovy Departamienta mihracyi Litvy dać jamu status uciekača.
17.06.2024 / 15:37
Na miesca prybyli žurnalisty, palicyja i ekstranyja słužby, jakija ŭhavaryli mužčynu spuścicca ŭniz.
Jahor raspavioŭ žurnalistu TV3.lt, što ŭ Litvie jon znachodzicca sa žniŭnia 2020 hoda. Za čatyry hady znachodžańnia ŭ krainie status uciekača jon tak i nie atrymaŭ, niahledziačy na adpaviednyja rašeńni suda.
Jahor kaža, što padčas vybaraŭ u Biełarusi byŭ vałancioram štaba Viktara Babaryka, dapamahaŭ u vybarčaj prahramie Śviatłany Cichanoŭskaj, jaho za palityčnuju dziejnaść sadžali ŭ IČU.
Skryn videa
Sa žniŭnia 2020 hoda jamu admaŭlajuć u davańni prytułku ŭ Litvie.
«Sud stanovicca na moj bok, mnie potym znoŭ admaŭlajuć. Zamknionaje koła. Čatyry hady ja žyvu ŭ statusie prośbita prytułku», — kaža biełarus.
Jahor kaža, što vyjšaŭ na pratest, kab atrymać dakumienty i «spakojna žyć i pracavać» u Litvie.
Ciahnik ź mihrantami zatrymali ŭ Kuźnicy: jany chacieli trapić u Polšču ŭ hruzavym vahonie
Pavuk zatroliŭ Pamiežny kamitet pytańniami pra mihrantaŭ i rasijskuju armiju