Rasijski vajskovy samalot parušyŭ pavietranuju prastoru Šviecyi
Rasijski vajskovy samalot-bambavik Su-24 na niekatory čas parušyŭ pavietranuju prastoru Šviecyi. Na jahony pierachop šviedy musili adpravić dva źniščalniki.
15.06.2024 / 16:58
Samalot Su-24M u palocie, zdymak ilustracyjny. Fota: Wikimedia Commons
Incydent adbyŭsia 14 červienia na ŭschod ad vostrava Hotłand u Bałtyjskim mory, jaki znachodzicca za 300 kiłamietraŭ ad rasijskaha Kalininhrada.
Jak paviedamlajuć šviedskija Uzbrojenyja siły, rasijski bambavik atrymaŭ papiaredžańnie, ale nie adreahavaŭ na jaho.
Adrazu paśla hetaha ŭ nieba byli padniatyja dva źniščalniki JAS-39 Gripen, u supravadžeńni jakich rasijski samalot pakinuŭ pavietranuju prastoru Šviecyi.
Apošni raz rasijskija samaloty parušali pavietranuju prastoru Šviecyi ŭviesnu 2022 hoda. Heta pieršy padobny incydent paśla ŭstupleńnia krainy ŭ NATA (7 sakavika 2024 hoda).
Vienhryja nie budzie błakavać dapamohu NATA Kijevu, ale sama nie budzie dapamahać