Prezident Polščy zhadaŭ Biełaruś siarod nieabchodnych krain u zonie biaśpieki Inicyjatyvy troch moraŭ
Prezident Polščy Andžej Duda choča bačyć Biełaruś, Ukrainu, Małdovu, Hruziju i krainy Zachodnich Bałkan u zonie biaśpieki Inicyjatyvy troch moraŭ. Pra heta jon zajaviŭ padčas kanhresa Inicyjatyvy Trymorja ŭ Lublinie.
14.06.2024 / 16:19
Duda padčas svajho vystupleńnia zajaviŭ, što ŭ «epochu adradžeńnia rasijskaha impieryjalizmu» nielha dazvolić Rasii pieramahčy va Ukrainie.
«Kali my dazvolim im pieramahčy va Ukrainie, jany zachočuć pajści dalej», — adznačyŭ polski prezident.
«Uklučeńnie Ukrainy, Biełarusi, Małdovy, Hruzii i krain Zachodnich Bałkan u našu zonu biaśpieki, svabody i roskvitu pavinna być hałoŭnaj metaj polskaj zamiežnaj palityki, a taksama palityki troch moraŭ i jeŭrapiejskaj palityki», — padkreśliŭ Andžej Duda.
«Inicyjatyva troch moraŭ» (ITM), taksama viadomaja jak «Bałta-Adryjata-Čarnamorskaja inicyjatyva» ci «Trymorje» — abjadnańnie trynaccaci dziaržaŭ Jeŭrapiejskaha sajuza (Aŭstryja, Bałharyja, Vienhryja, Hrecyja, Łatvija, Litva, Polšča, Rumynija, Słavakija, Słavienija, Charvatyja, Čechija, Estonija), i dźviuch krain-partnioraŭ: Ukrainy (z 2022) i Małdovy (z 2023), raźmieščanych u Centralnaj i Uschodniaj Jeŭropie. Upieršyniu sustreča pradstaŭnikoŭ hetych dziaržaŭ na najvyšejšym uzroŭni adbyłasia ŭ 2016 hodzie.
Terytoryja krain-udzielnic maje vychad da Adryjatyčnaha, Bałtyjskaha i Čornaha moraŭ, adhetul i jaje nazva. Metaj arhanizacyi zajaŭlena naładžvańnie rehijanalnaha dyjałohu pa roznych pytańniach, jakija zakranajuć dziaržavy-siabroŭki.
Duda zajaviŭ pra hatoŭnaść Polščy raźmiaścić u siabie jadziernuju zbroju
Naŭsieda ŭ Suvałkskim kalidory prapanavaŭ Dudzie sumiesnyja zakupki HIMARS
Duda pažadaŭ Zialenskamu pryjechać na nastupny samit Trymorja ŭ kaściumie