Крэм-суп з крэветкамі — рэцэпт
Лёгкая і сытная страва з морапрадуктамі. У сметанкова-сырным булёне — бульба, духмяная гародніна і свежая зеляніна.
22.06.2024 / 07:51
Фота: olgasflavorfactory.com
Каб прыгатаваць крэм-суп з крэветкамі, спатрэбіцца:
- 8 шклянак вады (можна выкарыстоўваць агароднінны булён)
- 200 г нарэзанага лустачкамі мяккага сыру тыпу President ці Hochland, або нарэзаны плаўлены сырок
- 200 г сыру бры
- 1 цыбуліна, дробна нарэзаная
- 1 морква, абабраная і здробненая
- 1-2 сцябліны сельдэрэю, нарэзаныя тонкімі лустачкамі ці дробнымі кубікамі
- 3 бульбіны сярэдняга памеру, абабраныя і дробна нарэзаныя
- 450 г пачышчаных крэветак
- 1-2 сухія лаўровыя лісты, соль, чорны молаты перац
- 1/2-1 сталовая лыжка сухіх траў і спецый, такіх як цыбулевая соль, часночны парашок, сухая пятрушка і г. д.
- свежая зеляніна, здробненая (пятрушка, зялёная цыбуля, кроп і г. д.)
Як гатаваць:
1. У рондалі сярэдняга памеру закіпяціце ваду.
2. Тым часам зніміце з мяккага сыру абгортку. Сыр бры нарэжце дробнымі кубікамі (скарынку зрэжце).
3. Падрыхтуйце гародніну. Дробна нарэжце цыбулю, моркву натрыце на тарцы, сельдэрэй і бульбу нарэжце дробнымі кубікамі.
4. Дадайце кавалачкі мяккага сыру ў кіпень і перамешвайце венчыкам, пакуль увесь сыр не растворыцца. Дадайце кубікі сыру бры. Сыр бры не расплавіцца цалкам, але стане мяккі.
5. Дадайце ў суп цыбулю, моркву, сельдэрэй, бульбу і лаўровы ліст. Прыпраўце па смаку соллю, перцам і любым спалучэннем сухіх траў і спецый, якія вам падабаюцца. Тушыце на сярэдне-слабым агні каля 15 хвілін, пакуль бульба не стане мяккай.
6. Пакуль варыцца бульба, падрыхтуйце крэветкі. Пры неабходнасці пачысціце іх і абсмажце.
7. Дадайце крэветкі ў суп. Гатуйце каля 5 хвілін і сачыце за тым, каб крэветкі не пераварыліся. Як толькі яны стануць ружовыя, зніміце з агню.
8. Дастаньце лаўровы ліст і ўпрыгожце суп свежай зелянінай.
Як зварыць ідэальны курыны суп? На што варта звярнуць увагу
З чаго вараць і як называюць традыцыйныя беларускія супы
Рэцэпт на выхадныя. Французскі цыбульны суп — класіка, перад якой немагчыма ўстаяць
Класічныя крэветкі з часночным соусам