Kanfierencyju «Novaja Biełaruś» pieranosiać z Varšavy ŭ Vilniu. Pryčyna vas ździvić
3-4 žniŭnia Ofis Śviatłany Cichanoŭskaj ładzić treciuju kanfierencyju «Novaja Biełaruś». Sioleta padzieja adbudziecca ŭ Vilni, choć spačatku arhanizatary płanavali ŭ Varšavie. Pryčyna hetaha niezvyčajnaja.
15.06.2024 / 00:22
Fota: Ofis Śviatłany Cichanoŭskaj
Pra toje, čamu kanfierencyju pieranieśli, «Našaj Nivie» raskazaŭ Daniił Harkavy, kiraŭnik adździeła pa źniešnich suviaziach Ofisa Śviatłany Cichanoŭskaj.
Pieranos u pieršuju čarhu źviazany ź mierkavańniami biaśpieki.
Ale na rašeńnie paŭpłyvała i toje, što 2 žniŭnia ŭ Varšavie vystupaje supierpapularnaja amierykanskaja śpiavačka Tejłar Śvift: «Kvitki na hateli i samaloty abo ciahniki dla ŭdzielnikaŭ ź inšych krain kaštavali b niepadjomna šmat, heta nieabhruntavanyja raschody dla demakratyčnaha ruchu».
Pra jakija ceny idzie havorka? Voś niekalki ličbaŭ.
Kali kazać pra hateli, to na sajcie Booking.com u pačatku žniŭnia možna zabraniravać adnamiesny numar bližej da centra Varšavy pa cenach niedzie ad 250-300 jeŭra. Pramyja bilety na samalot u Varšavu 2 žniŭnia, to-bok za dzień da kanfierencyi, kaštujuć ciapier ad 123 jeŭra z vyletam ź Bierlina, ad 248 jeŭra z vyletam ź Vilni i ad 200 jeŭra, kali vylatać z Ryhi.
Na kancerty Tejłar Śvift źbirajecca stolki fanataŭ, što ich tancy i tupat navat vyklikajuć nievialikija ziemlatrusy, jak dniami było ŭ Šatłandyi.
Cichanoŭskaja abjaviła pra praviadzieńnie treciaj kanfierencyi «Novaja Biełaruś»
Prychilniki Tejłar Śvift skałynuli Ziamlu na jaje kancercie ŭ Šatłandyi. U litaralnym sensie
Time nazvaŭ čałavieka hoda. Vybar dosyć niečakany (abo čakany)