Pad novyja sankcyi ZŠA trapili jašče niekalki biełaruskich pradpryjemstvaŭ i fizičnych asob
12 červienia Minfin ZŠA ŭvioŭ novyja sankcyi ŭ suviazi z vajnoj Rasii va Ukrainie. U sankcyjny śpis trapili bolš za 30 fizičnych asob i bolš za 200 kampanij, siarod jakich jość i biełaruskija, piša Reform.news.
12.06.2024 / 18:51
Zdymak ilustracyjny. Fota: mogilevnews.by
Novyja sankcyi skiravanyja na abmiežavańnie mahčymaściaŭ rasijskaha VPK i zakranajuć fizičnyja asoby i pradpryjemstvy z Rasii, Biełarusi, Bałharyi, Brytanskich Virhinskich astravoŭ, Kazachstana, Kitaja, Kyrhyzstana, Abjadnanych Arabskich Emirataŭ, Sierbii, Turcyi i inš.
U ramkach novaha pakieta sankcyj ZŠA zabaraniajuć akazańnie pasłuh IT-kansultavańnia i prajektavańnia luboj asobie na terytoryi Rasii, pasłuh IT-padtrymki i chmarnych servisaŭ dla prahramnaha zabieśpiačeńnia dla kiravańnia pradpryjemstvam, prahramnaha zabieśpiačeńnia dla prajektavańnia i vytvorčaści. Hetyja abmiežavańni buduć dziejničać z 12 vieraśnia hetaha hoda.
Ź biełaruskich pradpryjemstvaŭ i fizičnych asob pad hetyja sankcyi trapili:
- AAT «Biełaruśhumatechnika»;
- TAA «KVAND IS»;
- TAA « BAZćjub»;
- UP «Zavod SVT»;
- UPNVP «Technalit»;
- Alaksandr Badziaka, dyrektar «Technalita»;
- Dźmitryj Mańko, kamiercyjny dyrektar AAT «Biełaruśhumatechnika»;
- Valancin Mikłaševič, dyrektar UP «Zavod SVT»;
- Alena Pierasielak, dyrektarka TAA «BAZćjub»;
- Aleh Špakaŭ, vykanaŭčy dyrektar AAT «Biełaruśhumatechnika»;
- Siarhiej Tycyk, dyrektar TAA «KVAND IS».
Tajvań zabaraniŭ ekspart u Biełaruś važnaha kampanienta dla snaradaŭ
Miljanier Baskin pajšoŭ asprečvać sankcyi. Mahčyma, u jaho atrymajecca
ES choča zabaranić ekspart u Biełaruś pradukcyi i technałohij padvojnaha pryznačeńnia
Jašče šeść biełaruskich kampanij trapili pad sankcyi ZŠA