Sierbam pad šyldaj ABSIE pakazali biełaruskaje vojska

Ministerstva abarony Biełarusi 11 červienia paviedamiła pra vizit sierbskaj delehacyi ŭ raźmiaščeńnie 38-j asobnaj hvardziejskaj desantna-šturmavoj bryhady. Hetaje naviedvańnie vajskovaj čaści arhanizavali ŭ ramkach Vienskaha pahadnieńnia 2011 hoda «Ab mierach umacavańnia davieru i biaśpieki», sierbskija vajskoŭcy pradstaŭlajuć ABSIE.

11.06.2024 / 17:16

U Minabarony adznačyli, što heta pieršaje vieryfikacyjnaje mierapryjemstva na biełaruskaj terytoryi za apošnija čatyry hady. Sutnaść vizitu zvodzicca da pravierki danych ab vajskovym złučeńni, jakija padajucca biełaruskim bokam na štohadovaj asnovie, i acenki ich adpaviednaści biahučamu stanu dy dziejnaści bryhady.

Paśla spravazdaču pra svoj aficyjny vizit sierbski bok abaviazany budzie nakiravać usim dziaržavam — členam ABSIE. 

Sierbija — adna ź niamnohich jeŭrapiejskich krain, jakaja ŭ situacyi raźviazanaj Rasijaj pry sadziejničańni režymu Łukašenki vajny z Ukrainaj imkniecca zachavać dobryja adnosiny z Pucinym i Łukašenkam i praciahvać ź imi supracoŭnictva.

Režysior Andrej Hniot: U sierbskaj turmie samaje žachlivaje — heta miedyčnaja dapamoha. Jaje tam amal nie isnuje

Ułady Respubliki Sierbskaj chočuć pierajmienavać Srebranicu, kab paźbiehnuć napaminu pra hienacyd

Braty Karyčy, zarablajučy ŭ Biełarusi, nabyvali nieruchomaść u Arabskich Emiratach

Nashaniva.com