U Biełarusi našeście klaščoŭ: kryvasmokaŭ u 1,6 raza bolš, čym letaś
U Ministerstvie achovy zdaroŭja raskazali, jak sioleta spravy z kleščavymi infiekcyjami. I spravy hetyja nie nadta pazityŭnyja.
10.06.2024 / 19:16
U ministerstvie raskazali, što manitorynh iksodavych klaščoŭ zaśviedčyŭ, što ŭ Biełarusi kolkaść hetych parazitaŭ u 1,6 razu pieravysiła pakazčyk taho ž pieryjadu 2023-ha.
Rost ich kolkaści abumoŭleny rańnim ciapłom, z-za čaho pieršyja kryvasmoki źjavilisia ŭžo ŭ lutym na poŭdni krainy.
U studzieni—mai da lekaraŭ źviarnulisia bolš za 6,6 tysiačy biełarusaŭ, u tym liku prykładna 2,5 tysiačy dziaciej. Bolš za ŭsio paciarpiełych u Hrodzienskaj, Bresckaj abłaściach i Minsku.
Jak śviedčyć statystyka viedamstva, čaściej za ŭsio klaščy prysmoktvajucca da čałavieka ŭ lesie (44%), sielskaj miascovaści i na dačnych učastkach (35%), u nasielenych miescach i zonach adpačynku (12%).
Paśla zvarotaŭ klaščoŭ daśledavali ŭ łabaratoryjach i vyznačyli, što ich infikavanaść barelijami składała kala 25%, a virusam kleščavoha encefalitu — kala 0,7%.
Miedyki nahadali, što zarazicca virusnym kleščavym encefalitam možna jašče i paśla ŭžyvańnia ŭ ježu syroha kazinaha małaka.
Dzie ŭ Minsku možna zrabić pryščepku ad kleščavoha encefalitu
U Baranavičach ludzi zarazilisia kleščavym encefalitam, choć klaščy ich nie kusali
Čamu ŭ biełaruskich lasach stała tak šmat klaščoŭ? Asnoŭnyja pryčyny dźvie
Stała viadoma, jakuju hrupu kryvi najbolš lubiać klaščy