У Тайландзе перадумалі рабіць уезд у краіну платным
З чэрвеня з усіх турыстаў, якія прыязджаюць у Тайланд, збіраліся спаганяць адмысловы збор. Аднак прэм'ер-міністр краіны Стрэта Тавісін заявіў, што ягоны ўрад адмовіцца ад гэтай прапановы, вылучанай папярэдняй адміністрацыяй, піша мясцовае выданне The Nation.
10.06.2024 / 16:53
Здымак ілюстрацыйны. Фота: vecteezy.com
Планавалася, што для тых, хто перасякае мяжу на самалёце, збор павінен быў скласці каля 9 даляраў, а па сушы — удвая танней.
Як патлумачыў прэм'ер Тайланда, гэтую ініцыятыву не падтрымалі прадстаўнікі прыватнага сектара. У выніку спагнанне збору з турыстаў «можа прынесці кароткатэрміновы даход», але ў доўгатэрміновай перспектыве можа скараціць турыстычны паток.
На думку Стрэта Тавісіна, выдаткі на пакупкі і вольны час турыстаў мацней прастымулююць тайландскую эканоміку, чым увядзенне збору.
Беларусь увайшла ў топ-50 краін у рэйтынгу сусветнага турызму
Беларус заблукаў у тайландскім лесе, яго шукалі ўсю ноч
Пару з Беларусі выкралі і абрабавалі расіяне ў Тайландзе