Стала вядома, калі ў поўную сілу запрацуе смеццеперапрацоўчы завод пад Мінскам
Рэканструкцыя завода дазволіць павялічыць вытворчую магутнасць завода да 600 тысяч тон у год.
07.06.2024 / 12:28
Пра тое, калі смеццеперапрацоўчы завод пад Мінскам запрацуе ў поўную меру — і на ім пачнуць сартаваць усе сталічныя адкіды — паведаміла намеснік гендырэктара па добраўпарадкаванні, санітарным утрыманні жылфонду «Мінскай гарадской жыллёвай гаспадаркі» Анастасія Вараб'ёва, піша smartpress.by.
«Па мінулым годзе працэнт выкарыстання адкідаў па горадзе Мінску склаў 38,7%. Хачу сказаць, што на сённяшні дзень ужо ў Мінску выконваецца шэраг мерапрыемстваў па рэканструкцыі існуючага смеццеперапрацоўчага сартавальнага завода (размешчаны побач з палігонам адкідаў «Трасцянецкі»). Ужо вядуцца будаўнічыя работы», — адзначыла эксперт.
Яна дадала, што «рэканструкцыя завода дазволіць павялічыць вытворчую магутнасць завода да 600 тыс.т у год. Гэта значыць, усе адкіды, якія ўтвараюцца ў Мінску, будуць накіроўвацца на гэты завод, адсартоўвацца другасныя матэрыяльныя рэсурсы».
Таксама на заводзе пачнуць перапрацоўваць буйнагабарытныя адходы і вырабляць да 114 тыс.т у год RDF-паліва (англ. refuse-derived fuel, паліва, атрыманае з адкідаў) для патрэб цэментнай прамысловасці.
«На сённяшні дзень ужо пачаты будаўнічыя работы, плануецца завяршыць да чэрвеня наступнага года — ужо запусціць завод на поўную магутнасць», — рэзюмавала Вараб'ёва.
У Мазыры выкінулі на сметнік неверагодную колькасць хатніх закатак ВІДЭА
У Нарачы бацька і сын знайшлі на сметніку бутэльку з ружовай вадкасцю — абодва загінулі
Школьнікі вырашылі пакідаць смецце ў Вечны агонь на плошчы Перамогі — цяпер ім пагражае тэрмін