Перастаў працаваць з Беларуссю сэрвіс грашовых пераводаў Fin.do
Пра тое, што платформа для P2P-пераводаў Fin.do перастала падтрымліваць пераводы ў Беларусь і з яе, паведамляе Devby.io.
06.06.2024 / 19:53
Фота: Fin.do
У тэхпадтрымцы і апдэйтах на сайце пазначаецца, што гэтая мера — часовая, але не пішацца, як надоўга. Пры гэтым пераводы па картах у іншых рэгіёнах працуюць у звычайным рэжыме.
Раней платформа анансавала, што з 1 красавіка 2024 года сэрвіс больш не будзе падтрымліваць пераводы на карты Mastercard Прыёрбанка, Альфа Банка, БелВЭБа і Белгазпрамбанка. А яшчэ — што ў выпадку з першымі трыма банкамі будуць працаваць карты Visa, а ў выпадку з Белгазпрамбанкам не будуць падтрымлівацца таксама і яны.
Аднак на той момант адпраўка грошай з Беларусі заставалася даступнай, калі яны былі не ў беларускіх рублях.
Як цяпер можна перавесці грошы з Беларусі ў Літву і наадварот
Якія засталіся спосабы перавесці грошы ў Беларусь і колькі складзе камісія
Папулярны польскі банк стаў блакаваць беларусам доступ да анлайн-акаўнтаў. Што здарылася?