Pad Minskam źjaviacca hateli dla nasiakomych
Da kanca hoda pad Minskam źjaviacca hateli dla nasiakomych. Jany buduć padobnyja da ich naturalnaha žytła. Prajekt realizuje zabudoŭščyk «A-100 Deviełapmient» u kvartale «Zialonaja Havań».
31.05.2024 / 15:53
Tak buduć vyhladać hateli dla nasiakomych. Fota: «A-100 Deviełapmient»
Hateli dla nasiakomych stanuć domam dla božych karovak, zialonych załatovačak abo vos-najeźnic, jakija źniščajuć tlu i inšych škodnikaŭ.
Hetyja hateli ŭjaŭlajuć saboj nievialikija chatki vyšynioj da mietra. Kazurki zmohuć ich vykarystoŭvać u jakaści hniozdaŭ i miesca zimoŭki. Chatki pastaviać na biaśpiečnaj adlehłaści ad žyłych damoŭ. Pobač z hatelami pastaviać łaŭku dla nazirańniaŭ.
Raspracoŭščyki prajekta adznačajuć, što za 30 hadoŭ papulacyi niekatorych nasiakomych mocna skaracilisia. Asabliva heta charakterna dla haradoŭ i žyłych kompleksaŭ u pryharadzie.
Pry hetym kazurki — častka ekasistemy. Važna nie zabyvać pra ich u pracesie ŭźviadzieńnia žyłych kvartałaŭ.
Čamu ŭ biełaruskich lasach stała tak šmat klaščoŭ? Asnoŭnyja pryčyny dźvie
Navukoŭcy pieratvaryli žyvych prusakoŭ u hrupu mini-kibarhaŭ
Što budzie, kali vas raptam ukusić zdaravienny pavuk, jaki biehaŭ pa vulicach Mahilova?