Bajden tajemna dazvoliŭ Ukrainie bić amierykanskaj zbrojaj pa terytoryi Rasii
Ale z adnoj umovaj.
30.05.2024 / 22:58
Uładzimir Zialenski i Džo Bajden. Fota: AP
Administracyja prezidenta ZŠA Džo Bajdena tajemna dała Ukrainie dazvoł na naniasieńnie ŭdaraŭ unutry Rasii amierykanskaj zbrojaj, ale vyklučna dla abarony Charkava, paviedamlaje vydańnie Politico sa spasyłkaj na aficyjnyja krynicy va ŭradzie ZŠA.
«Prezident niadaŭna zahadaŭ svajoj kamandzie pierakanacca, što Ukraina zmoža vykarystoŭvać amierykanskuju zbroju dla baraćby z rasijskimi ŭdarami pa Charkavie, kab Ukraina mahła nanieści ŭdar pa rasijskich siłach, jakija nanosiać hetyja ŭdary abo rychtujucca ich nanosić», — paćvierdziŭ Politico adzin z amierykanskich čynoŭnikaŭ.
Nahadajem, što ciapier mnohija krainy ES taksama pačali zdymać abmiežavańni na vykarystańnie ich zbroi Ukrainaj pa vajskovych celach unutry mižnarodna pryznanaj terytoryi Rasii.
Pieršyja ŭkrainskija piłoty zaviaršyli navučańnie pracy na źniščalnikach F-16 u ZŠA
Francyja nakiruje va Ukrainu instruktaraŭ dla navučańnia miascovych vajskoŭcaŭ