У Рэчыцы жанчына выпала з 8 паверха на вачах мужа — у таго здарыўся інфаркт. Абоіх выратаваць не ўдалося
Трагедыя адбылася ў Рэчыцы 29 мая. Жанчына мыла вокны ў сваёй кватэры і выпала з 8 паверха, паведамляе Primenews. Усё гэта адбылося на вачах яе мужа.
31.05.2024 / 00:26
Муж жанчыны тут жа пабег на вуліцу, каб аказаць дапамогу, але было позна. Медыкі хуткай дапамогі, што прыехалі на месца здарэння, канстатавалі смерць. Спробы запусціць сэрца вынікаў не далі — траўмы аказаліся занадта сур'ёзнымі.
Муж загінулай увесь гэты час знаходзіўся побач і ў нейкі момант адчуў сябе дрэнна. Ад перажыванняў у мужчыны здарыўся інфаркт.
Нягледзячы на тое, што брыгада хуткай была побач і тут жа правяла рэанімацыйныя дзеянні, да поспеху яны таксама не прывялі.
Дзве дзяўчыны захраслі на коле агляду на вышыні 18 метраў у Хоцімску
У мінскім двары кіроўца наехала на мужчыну, што ляжаў на дарозе
У Мінску ўжо чацвёра дзяцей выпалі з вокнаў кватэр