У дырэктараў 22 лясгасаў забралі прэміі за тое, што «пагуляліся»
У Мінскай вобласці адбылося выязное пасяджэнне калегіі Мінлясгаса, паведамляе тэлеграм-канал ведамства. Сярод іншага абмеркавалі якасць прадукцыі, якую выпускаюць лясгасы, і гэта стала падставай для таго, каб міністр лясной гаспадаркі Аляксандр Кулік уз'еўся на падначаленых.
29.05.2024 / 22:01
Фота: t.me/minleshoz
Аказалася, што частка лясгасаў праігнаравалі даручэнне аб увядзенні ў сябе асобнай пасады інжынера па якасці.
У сувязі з гэтым Аляксандр Кулік заявіў:
«Была пастанова калегіі — шэраг дырэктараў вырашылі «пагуляцца» і не выканалі яе. Мінімум на 3 месяцы пакінуць усіх, хто не выканаў пастанову, без прэмій па прамысловай дзейнасці».
Такіх дырэктараў, якія «пагуляліся», налічылі ажно 22 чалавекі. Кулік абяцае на будучыню і больш крутыя меры ў залежнасці ад таго, «як усё ж такі будзе выканана ці не выканана гэта даручэнне пасля».
Кіраўнік Мінлясгаса загадаў, каб ляснічым плацілі 3 тысячы рублёў чыстымі
Каля Ружан зашугаў лясны пажар па тэрыторыі вайсковага палігона
У Беларусі ў разы скарацілася плошча балот і лугоў, затое шырацца лясы
Чаму ў беларускіх лясах стала так шмат кляшчоў? Асноўныя прычыны дзве